Sawirle: Scanpix/Montage: Sveriges Radio.

Islaamiyiin xag jir ah oo dalkan uga socdaaley Suuriya

Ugu yaraan dadyoow soddomeeyo tiradoodu gaarsiisan yihiin laguna maleeyneyo iney yihiin islaamiyiinta xag-jirka ah ayaa dhowaantan ka amabaxey Iswiidhen una socdaaley dalka Suuriya, sidii ey uga garab dagaalami lahaayeen kooxaha taabac-san Al-qaacida ee carrigaa ka dagaalama, sida ay sheegtay hayadda nabad-sugidda ee marka magaceeda la soo gaabiyo loo yaqaanno Säpo.

Hayadda ayaa sidoo kale shaaca ka qaaday in dalkan sidoo kale ey ka badbaadisay dhowr ku tala-gallo fallal argagixiso sannadihii ugu dambeeyey.

War-bixinta hayadda nabad-sugidda oo isniinta la soo ban-dhigay ayay ku qeexan tahay iney jiraan soddomeeyo islaamiyiin ah oo u amba-baxey dalka Suuriya sidii ey tababar ugu soo qaadan lahaayeen ama uga garab-dagaalami lahaayeen kooxaha xag-jirka ah, hase yeeshee ey tiradu intaa ka badnaan karto, sida ay sheegtay hayadda Säpo. Waxaa kaloo ay hayaddu shaaca ka qaadey iney aad ugu yar yihiin dadyoowgaasi kuwa asal-haan ka soo jeeda dalka Suuriya, waana mid caddeeneysa in falkaasi uu salka ku hayo aaminaad caqiido iyo aydiyooloojiyad. Hayadda nabad-sugidda Säpo ayaa horey u shaacisay iney Iswiidhen ku sugan yihiin dadyoow gaarsiisan 200 oo ah islaamiyiin xag-jir ah.

Marnaba indhaha ka qaadi meeyso Säpo sidii ay ula socon lahayd isku dayga falalka argagixis-nimo oo ey ku tallaab-sadaan ama ku talaab-san karaan dadyoowga xag-jirrada ah ee kala taabac-san idiyooloojiyada kala duwan.

Isha/ TT

                                                                 kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".