Cuntada Iswiidhen oo qaali noqotey

Sannadyadan danbe cunada ayaa Iswiidhen qaali noqotey. Qiimaha cunada ayaa kor u kacdey 3,3 procent laga soo bilaabo bishii julay sannadkii hore. Sidaas waxaa muujinaya macluumad uu soo saarey caafiiska dhaxe ee tirkoobka (SCB).

 Laakiin guud ahaan waddanka lagama dareemayo wax sicir barar ah, waxaase badelkeeda hoos u dhacay qiimaha badeecaddo kale oo badan. Qiimaha badeecaddaha ayaa hoos u dacay 0,1 procent tan iyo bilihii jun iyo julay sannadkan aynu ku jirno. Badeecadaha sida weyn u raqiisoobey ayaa ah dharka iyo kabaha kuwaas oo qiimahooda hoos u dhacay boqolkii 7,4.

Sidoo kale dulsaaraha ay qoysasku bixiyaan ayaa hoos u dhacay. Iyadoo dhanka kale ay raqiisoobeyn badeecaddaha konrantada ku shaqeeya ee guriyaha laga isticmaalo, sida mashiinada dharka lagu dhaqo, tv:yada iwm. Qiimo jabka badeecadahan ayaa ah boqolkii 12

Balse waxyaabaha qiimahooda ay kordheen kasakow cunada iyo qarashadka maqayadaha waa kirooyinka guriyaha laga bixiyo.

Isha: ekot

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".