SMS från de som vill köpa sex genom annonsen. Foto: Verkligheten i P3

Xiisaha u galmoodka dhallaanka aan qaan gaarin oo sarreeya

Barnaamij ay diyaarisay idaacadda Iswiidhen P3 laanteeda ”Verkligheten – xaqiiqda” ayaa lagu ogaadey xiisaha ballaaran ee loo hayo u galmoodka dhallaanka

Xayeeysiin middaa la xiriirta oo la isku matalayey gabar 14-jir ah oo la dhigey aaladda internetka ayaa muddo toddobaad gudihiis ah waxaa la soo xiriirey tiro boqol kor u dhaafeysa.

Gabadha oo la siiyey magaca Emma. Ayaa lagula soo xiriirey qoraallo iyo telefoonno ey ka mid ahaayeen:

" Emma iska warran, aad ayaan u jeclaan lahaa inaan kulanno …"

Dhambaalka telefoonka dhacaya oo uu diray nin loogu magac-darey Anders. Isagoona sheegay inuu akhristay xayeeysiinta gabadha 14-jirka ah iyo inay sidii ay lacag ku sameeyn lahayd inay doonayso rag inay la kulanto. Xayaysiinta ayay ku muujisay inay 1 000 ku qaadanayso waxa loo yaqaanno ”oral sex” In la isu dhuuqo. Galma caadi ahna ay ku doonayso 2 000 oo koron.

Xayaysiintan ayay dhigtay laanta Verkligheten  P3 bog galmada lagu kala iibsado ee internet-ka. Muddo toddobaad gaarsiisan oo keliya ayey raga ad u badani xiriir la soo sameeyeen.

Qiyaastii 50 telefoon, 30 farriimmo qoraal iyo soddomeeyo mail iyo SMS ah.
– Waa maxay waxa aad doonayso?
– Maxaad ii ogoshahay inaan sameeyn karo? hihi.

Suxufiyad ayaa matalaysay gabadha 14-jirka ah iyadoona telefoon u dirtay ninkii xayaysiinta ka soo bixiyay jawaabta. Da’da yar ee gabadha ayaa xiisa geliyay, sida uu sheegay Anders.
– Da’da yar ee aad jirto ayaa i soo jiidatay.

Wada-hadalkaa dabadeed ayuu suxufi kale telefoon kula xiriiray ninkaa.
– Laakiin 14-jir waa ilmo yar mise?
–Khasab maaha inay ilmo yar tahay. Mana hubo inaan fikirkaa kula qabo.

Isha/ P3

                                                                        kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade ljud i menyn under Min lista