Tobias Billström, wasiirka arrimaha soogalootiga iyo Maria Ferm oo ka socota xisbiga Doogga. Qaabeynta sawirle: Sveriges Radio/Scanpix.

Sharciyada dadka shaqada ku yimaada dalka oo la adkeyn doono

Dowladda iyo xisbiga Dooggu waxay doonayaan in la adkeeyo sharciyada lagu maamulo dadka Iswiidhen u yimaada shaqo ay ka hellen si looga hortago mushaharooyinka adoonsiga ah iyo in nidaamka si xun loo isticmaalo. Waxaa dib baaritaano loogu sameynayaa shuruudaha shaqada oo lagu heshiiyey, ciddii jebisana waxaa laga xayuubinayaa ruqsadda ay shaqaale ku soo waaridaan.

- Waxaa dhacay in nidaamka si qaldan loo isticmaalay, laakiin guud ahaan si wanaagsan ayuu nidaamkani u soo shaqeeyey. Sidaas waxaa tiri Maria Ferm oo xisbiga Doogga afhayeen uga ah siyaasadda soogalootiga oo shir-jaraa’id la qabatay wasiirka arrimaha soogalootiga Tobias Billström (M).

- Waxqabad dheeraad ah ayaa loo baahan yahay, laakiin marnaba kuma talajirno in aan albaabada xirno, ayuu yiri säger Billström.

Shrciyadaan oo lagu wado in ay dhaqangalaan 1da abriil ee 2014 waxay awood u siinayaan Hay’adda Socdaalka in ay macluumaad ka hesho diiwaanada hay’adaha kale. Ciddii shaqabixiye ah oo diidda in ay soo gudbiso macluumaadka shuruudaha shaqaalaynta waxay mudaneysaa ganaax ama xabsi.

Isha: TT

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".