Hoggaamiyaha xisbiga Doogga Åsa Romson. Sawirle: Janerik Henriksson/Scanpix.

Xisbiga MP oo dhaleeceeyey hindise cusub ee siyaasadda cimilada

 

Xisbiga Doogga ayaa golaha Midowga Yurub dhaleeceyn ugu jeediyey hindise uu maanta ka soo saaray siyaasad cusub oo ku saabsan cimilada iyo tamarta. Åsa Romson oo ka mid ah labada hoggaamiye ee xisbiga ayaa si kulul ugu dhaleeceysey Raysalwasaaraha Fredrik Reinfeldt in hoggaamiyanimadiisu ay gaabisey oo horseedday in hindisahaani noqdo mid daciif ah.

Si looga soo baxo waajibaadka ah in uusan kuleylka cimilada adduunku dhaafin laba garaaddo, waxaa khasab ah in qashinka Midowga Yurub hawada ku siidaayo hoos loogu dhigo boqolkiiba 60 ilaa sannadka 2030. Laakiin maanta ayuu golaha Midowga Yurub soo bandhigay hindise ah in boqolkiiba 40 hoos loo dhigo, taas oo uu xisbiga Dooggu u arko mid halis gelineysa hawsha adduunku ugu jiro badbaadinta cimilada.

Intii aan go’aanka la gaarin ayey siddeed dal oo ay ka mid yihiin Jarmalka iyo Faransiisku golaha Midowga Yurub u direen warqad wadajir ah ay ku qoran tahay dalab aad u sarreeya. Balse Iswiidhen bannaanka ayey iska taagtey, sida uu xisbiga MP u arko.

Isha: MP

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".