Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

Shirkadaha kafaaladqaada cayaaraha olimbiga oo ka shiraya xuquuqda aadanaha

La daabacay måndag 27 januari 2014 kl 10.47
Sawirle: Ignat Kozlov/AP/TT.

Bangiga Nordea, oo ka mid ah shirkadaha kafaaladqaada Guddiga Olimbiga Iswiidhen ayaa isugu yeeray shirkadaha waaweyn oo kafaaladqaada iyo Guddiga Olimbiga Iswiidhen si looga shiro xuquuqda aadanaha iyadoo isha lagu hayo cayaaraha olimbiga qaboobaha oo laba toddobaad kadib ka bilaaban doona magaalada Sotji ee dalka Ruushka.

Tomas Björklund oo ah madaxa bangiga Nordea u qaabbilsan kafaalaqaadidda ayaa rajeynaya in xubnaha shirkaas ka qaybgelayaa ay wadajir u soo saaraan bayaan.

- Waxaan isla eegeeynnaa annaga iyo Guddiga Olimbiga Iswiidhen  sidii aan saameyn ugu yeelan lahayn Guddiga adduunka ee olimbiga oo loo soo gaabiyo IOK, annagoo kala doodeynna arrimaha xuquuqda aadamaha. Wanaagga halkaa ka soo baxaana wuxuu keeni karaa in si dhab ah ay xuquuqda aadanaha qayb muhiim u noqoto marka mustaqbalka laga qabanqaabinaayo cayaaraha olimbiga.

Qoraal ay soo saartay shirkadda Swedwatch ayaa lagu dhaleeceeyey shirkadaha kafaaladqaadka iyo Guddiga Olimbiga Iswiidhen ee SOK in aysan xil iska saarin sidii ay uga hortegi lahaayeen xadgudubyada ku imaan kara xuquuqda aadanaha iyo xorriyadda hadalka iyo ururada ee cayaaraha olimbiga qaboobaha oo lagu qaban doono magaalada Sotji.

Shirkadaha ugu waaweyn ee kafaaladqaada Guddiga Olimbiga Iswiidhen waxay kala yihiin Vattenfall, ATG iyo Nordea.

Isha: Ekot

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".