Sawirle: Petter Ahnoff/Sveriges Radio.

Qof lagu tuhunsan yahay geeridii qof dumar ah oo uubatooyin dileen

Qof ayaa hadda lagu wargeliyey in lagu tuhunsan yahay in galay fal dembi, taas oo ka dambeysey dhacdadii xilligii kuleylaha ee sannadkii 2012 ka dhacday beerta xoolaha ee Kolmårdens Djurpark, kolkaas oo ay raxan uubato ama yeey ahi dileen qof ka shaqeeya beerta xoolaha.

Qofka la tuhunsan yahay ayaa isaguna halkaas ka shaqeeya. Ciidanka boliiska ayaa sheegay in aysan dooneyn in ay ka xogwarramaan sababta tuhunkaas keentay, laakiin ay dhacdadaas cinwaan looga dhigay dembi shaqo oo sababay qof kale dhimashadiisa, sida uu sarkaal ka tirsan boliiska gobolka Östergötland u sheegay wargeyska Expressen.

Qofkaas dumarka ah oo ka mid ahaa shaqaalaha xannaaneeya xayawaanka halkaas ku xereysan ayey dileen uubatooyin iyadoo xerada keligeed dhex joogta.

Isha: Ekot

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".