Amiir Daniel iyo Amiiradda koowaad Victoria. Sawirle: Helena Andersson/Sveriges Radio

Dad badan ayaa doonaya in Victoria ay boqortooyada la wareegto

Waxaa soo badanaya dadka iswiidhishka ah oo qaba in la gaaray waqtigii ay amiiradda koowaad Victoria la wareegi lahayd madaxnimada qaranka Iswiidhen. Dad tiradoodu gaareyso boqolkiiba 48 ayaa doonaya in boqor Carl Gustaf uu shaqada ka fariisto marka uu buuxsado 68 sano 30ka bisha Abriil ee na soo haysa. Sidaasna waxaa lagu soo badhigay baaritaan ay shirkadda Demoskop u sameysey wargeyska Expressen.

Tiro intaas ku dhow oo ah boqolkiiba 47 ayaa iyagu qaba in boqorku uu jegada sii hayo. Sidaas oo ay tahay ayey hadda natiijadaan ka muuqataa isbeddel weyn marka la barbardhigo sidii uu ra’yiga dadweynuhu ahaa saddex sano ka hor. Kolkaas boqolkiiba 38 qura ayaa qabay in boqorku talada iska wareejiyo, halka ay boqolkiiba 60 qabeen in uu boqor sii ahaado.

Isha: SVT

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".