Sawirle: Scanpix

Boqolkiiba saddex dadweynaha Iswiidhen oo dhaqaale-xumo ba’ani hayso

Boqolkiiba kow iyo toban muwaadiniinta Midowga Yurub waxay aamminsan yihiin in ay aad ugu adag tahay in ay helaan dhaqaale ay ku noolaadaan. Tirada Iswiidhen u dhigantaana waxay tahay boqolkiiba saddex. Sidaasna waxaa laga akhrisan karaa tirakoob ka soo baxay xafiiska tirakoobka guud ee SCB.

Iswiidhen iyo Yurub inteeda kalena waxaa ugu daran waalidka keligiis ilmo haya oo ay ku adag tahay in uu helo dhaqaale ku filan.

Xaaladda ugu xumi waxay ka jirtaa dalalka Giriigga iyo Bulgaariya oo saddex meelood oo meel muwaadiniintooda uusan dhaqaaluhu ku filneyn.

Sidaas oo ay tahay ayey tirada Iswiidhen ka mid tahay kuwa ugu hooseya baaritaankaan la sameeyey. Waxaa ku xiga dalalka Finland, Jarmalka, Danmark, Luxemburg, Holland, Faransiiska, Estland iyo Noorwey oo tiro ka hooseysa boqolkiiba shan ay dhaqaale-xumo haysato.

Isha: TT

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade ljud i menyn under Min lista