In la mamnuuco xisbiyada faqooqa

Xisbiga cunsuriga ee Svenskarnas ayaa beryahan ku jirey booqashooyin iyo bannaan-baxyo uu ku sameeynayey goobo ka mid ah dalka, iyadoona uu xisbigu ku kasbaday indhaha war-baahinta oo aad u qabtey iyo daabacaadyo badan oo uu xisbigu helay.

Gabagabadii toddobaadkii ina dhaafay oo kulan uu xisbigu ku qabsaday faras-magaalaha Istockholm ayey isugu soo baxeen kummanaan ruux oo ka soo hor-jeeda fikirrada faqooqa ee xisbiga. Hase yeeshee aanay wanaag-sanayn in xisbigaasi la siiyo ogolaansho sida ey sheegeen xeer-yaqaanno u dooda xuquuqda aadanaha, sida uu qoray war-geeyska Dagens Nyheter.

Gar-yaqaan Peter Nobel, horayna u ahaan jiray wakiilka ka hor-tagga faqooqa iyo agaasimihii guud ee ururka madaxa bannaan ee Laan-khayrta Cas, sida uu sheegay uu dhaleeceeynayo halka ey xubnaha baarlamanka iyo dawladduba ka taagan yihiin in ciidanka ammaanku ogolaansho u siiyo xisbi cunsuri ah inuu kulan ku qabsado magaalada, iyada oo la adeegsaneyo xeerka xoriyadda qowlka.

Ma ahayn in xisbigaa loo ogolaado bannaan-bax. Madaama ey ka xaaraantimeey-san yihiin suuqyada iyo dhabbooyinka dalka in lagaga dhawaaqo ereyo faqooq ah, sida uu war-geeysku qoray.

Xisbiga cunsuriga ee Svenskarnas parti ayaa xaqiiqdii ah xisbi aad u tayo liita tiro ahaan dadyoowga xubnaha ka ah. Doorashadii baarlamanka ee sannadkii 2010 ayuu xisbigu ku hantay codad gaarsii-san 700 oo keliya, isla-markaana ey xubno ku leeyihiin hal degmo oo keliya. Hase yeeshee ey dadka qaarkii qabaan in bannaan-baxyadan uu xisbigu ku hananayo codad dheeri ah.

Isha /DN

                                                                           kenadid.mohamed@sr.se