Warsame Elmi
1 av 5
Ereyada laga soo ergisto afafka qalaad. Photo: Musa.
@rebo_s valde ordet för "typ" på turkiska
2 av 5
@rebo_s valde ordet för "typ" på turkiska
#mitt ord #mittord
3 av 5
Irinas ord är "zanatjka", på ryska. Det betyder "reserv", att ha något på ett hemlig lager. Att ha något undangömt och förglömt som kommer väl till pass när det verkligen behövs: plötsligt kommer gäster och se: här finns det en flaska vin och en chokladask att bjuda på! Foto: Sybille Nevellling/SR.

P4 Göteborg oo ururinaysa ereyada ku soo biira afka iswiidhishka

Ereyada laga soo ergisto afafka qalaad.
3:54 min

Idaacadda P4 ee magaalada Göteborg ayaa bilowday olole la magac baxay #mittord,taasi oo micnaheedu yahay ereygaygii. Ololahan ayaa ah mid ay idaacaddu rabno in ay ku soo bandhigto ereyada inta badan laga soo ergisto afafka kale marka uu qofku af iswiidhish ku hadlayo.

 Idaacadda P4 ee magaalada Göteborg ayaa bilowday olole la magac baxay #mittord,taasi oo micnaheedu yahay ereygaygii. Ololahan ayaa ah mid ay idaacaddu rabno in ay ku soo bandhigto ereyada inta badan laga soo ergisto afafka kale marka uu qofku af iswiidhish ku hadlayo. Sylvia Dahlen oo ah madaxa mashruucan ayaa sheegtay in ujeeddadu tahay sidii loo ogaan lahaa ereyada inta badan laga soo ergisto afafka kale, maaddaama waddanka Sweden maanta lagaga hadlo luuqado badan. Waa tan Sylvia Dahlen oo arrintaasi sharaxaysaa.

-  ( Mittord waa olole aanu rabno in aanu ku ururinno kalmadaha afafka shisheeyaha ah ka yimid ee markasta lagu dhex badhxo afka iswiidhishka)

 Waxa jira kumanaan qof oo ku koray Sweden kuwaasi oo ku hadla dhawr luuqadood oo ajaanib ah. Taasina waxa ay keentay in luuqadaas kale ee ay ku hadlaan saamayn ku yeeshaan marka ay af iswiidhishka ku hadlayaan, waxaana dhacda in ay ereyo qalaad marka ku badhxaan afka iswiidhishka. Waxa laga yaabaa in isaga oo qofku af iswiidhish ku hadlaya haddana uu isticmaalo ereyga xabiibi oo af Carabi ah amaba ereyga hajde oo afka seerbiya ah. Sidaasi daraadeed ololahani waa mid loogu talo galay in lagu baraarugsanaado in ereyada inta badan laga soo ergisto afafka kale iyo waliba in ay jiraan luuqado badan oo waddanka lagaga hadlaa. 

- Tusaale ahaan waxa dhici kara in qofku afka iswiidhishka ku garan waayo erey uu rabay in uu yidhaahdo, taasina ay keento in uu soo ergisto erey kale oo ajaanib ah  oo u buuxiyo halkii uu qofku rabay. Erayada noocaasi oo kale ah weeye kuwa aynu nabno in ololaheenan ku soo qaadanaa.

Huda Ahmed   iyo Maxamed Askar waxa ay ka mid yihiin  dhallinyarada Soomaalida ah ee ku nool magaalada Stockholm, waa kuwan  iyaga oo innala wadaagaya ereyada af-soomaaliga ah ee ay inta badan  isticmaalaan marka ay af Iswiidhishka ku hadlayaan.

 Sida ay sheegtay Sylvia Dahlén oo ah madaxa mashruucani, ololahani waa mid ay waddo idaacadda P4 ee Göteborg, waxaase iyana sidoo kale la shaqaynaya waaxaha kale ee idaacadda. Sylvia waxa ay sheegtay in qofkii raba in uu ololahan ka qayb qaataa uu idaacadda P4 Göteborg u soo diri karo farriin iimayl ah isaga oo ku soo hagaajinaya ciwaankan. mittord@sverigesradio.se

Ololahan ayaa socon doona 1 -7 bishan diisambar. Wiigan oo dhanna mawduucani waxa uu noqon doonaa mid ay si weyn uga hadasho idaacadda P4 Göteborg, iyada oo idaacadda baahin doonto farriimaha ay dhegaystayaashu u soo direen iyo waliba iyada oo idaacaddu soo martiqaadi doonta marti ka hadasha mawduucan afafka ku saabsan.  Waa tan mar kale Sylvia Dahlen oo arrintaasi sharaxaysaa.

- Durba waxaanu helnay ereyo badan oo afafka qalaad laga soo ergistay, runtiina waa wax xiiso badan. Waa waxa wanaagsan in lagu baraarugsanaado afafka badan ee waddanka lagaga hadlo iyo kala duwanaashahooda. Waxaanu rajaynaynaa in uu ololahani noqdo mid ay dhegaystayaashayadu wax badan ka bartaan.

Musa Mahamud

musa.hassan@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".