Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

Wallström: Qaraxyada caasumadda Turkiga ka dhacey dal dhan ayey khalkhal galiyeen

La daabacay måndag 14 mars 2016 kl 12.03
Wallström iyo qaraxyadii dalka Turkiga ka dhacey.
(1:33 min)
Foreign Minister Margot Wallström.
Margot Wallström. sawir: :Marcus Ericsson/TT

Wasiiradda arrimaha dibadda dalkaan Iswiidhan Margot Wallström ayaa

walwal ka muujisey xaalka dalka Turkiga ka dib qaraxii shaley ka dhacey caasumadda dalkaas ee Ankara.

Maalinimadii axadda ayaa 37 qof ku dhinteen ilaa iyo 70 qofna ku dhaawacantey qarax bumbo oo ka dhacey bartamaha magaalada Ankara.

Subaxnimadii saaka ayey ciidamada Turkigu waxay duqeeyeen fariisimo uu ururka PKK ku leeyahay woqooyiga dalka Ciraaq.

Waa tan Margot Wallström oo ka faalooneysa falka argagixisanimo ee ka dhacey dalka turkiga, waxayna xilligaas ku sii jeedey shirka wasiirada ururka midowga yurub maanta uga furmaya magaalada Bryseel:

-Falkaan argagixisanimo dal dhan ayuu argagax galiyey, ayey tiri Margot Wallström.

Wasiiradda ayaa la weydiiyey ,maadaama Turkigu uu maanta weerarey rugaha ururka PKK ay ku leeyihiin woqooyiga dalka Ciraaq taas oo ay uga jawaabayaan qaraxii maalintii shaley magaalada Ankara ka dhacey,sidee u aragtaa arrimahaas kacsan.

Margot Wallström oo arrintaas ka jawaabeysey ayaa tiri:

- Nasiib darro arrinkaani waa mid caadi ah oo aanu hadda ka hor marar badan aragney ,waxaana ugu baaqayaa in aan colaad la sii hurin taas badalkeedana wada hadal lala yeesha dadka Kurdiga ah taasina waa wadada kaliya oo xal lagu gaari karo , ayey tiri Margot Wallström.

 

 

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".