Booliis mooto wata.
Booliis mooto wata. sawir: Bertil Ericson / TT

Booliis badan oo dalkaan Iswiidhan shaqooyinka isaga taga

Booliis badan oo shaqooyinka isaga taga
0:50 min

Booliis badan oo aan mushaarada ay qaataan ku faraxsaneyn iyo waliba shaqada ay qabtaan oo ku cuslaatey ayey shaqada booliiska isaga tagaan.

2015-kii waxaa ciidanka booliiska isaga tagey 832 askari meesha sanadkii kaas ka sii horeeyey ay 678 askari shaqooyinka booliiska isaga tageen.

Sidaas oo ay tahayna waxaa aad u yar dadka booliiska ah ee dalkaani sanad walba tababaro taas oo sii siyaadineysa baahida booliiska loo qabo.

Badanaa booliiskaas shaqada ka tagey ayaa u badnaa kuwa fil ahaan buuxiyey 60 jir laakiin waxa cusubi waa iyadoo ay shaqooyinkaas booliiska hadda ka tagayaan askar da’doodu 40 jir ka yar tahay.

Lena Nitz oo ah gudoomiyaha ururka booliiska dalkaan ayaa sheegtey in ay muhiim tahay in la qiimeeyo shaqada booliisku hayo ,waxayna tilmaantey mushaarka iyo sida uu muhiimka u yahay.

Xogta / SVT, DN

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".