Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

سوید ده‌بێ مافی مرۆڤ بێنێته‌وه‌ بیری سه‌رۆکانی چین

مۆنا سالین سه‌رۆکی ئوپۆزیسیۆنی سوید له‌ حیزبی سوسیال دیمۆکرات، داوای ئه‌وه‌ ده‌کا که‌ سه‌رۆکوه‌زیر فریدریک ڕایفێڵد که‌ سه‌رۆکی حیزبی مۆدێراتیشه‌، ده‌بێ له‌ چاوپێکه‌وتنی ڕۆژی شه‌ممه‌ی داهاتووی خۆیدا له‌گه‌ڵ سه‌رۆککۆماری چین، کێشه‌ی چاره‌نووسی چوار چالاکی بیرجودای مافی مرۆڤیش بێنێته‌ گۆڕێ.

ئه‌و که‌سانه‌ش که‌ مه‌به‌ستی مونا سالینه‌، ئه‌وانه‌ن که‌ ڕێکخراوی لێخۆشبوونی گشتی، ئه‌منستی ئینترنه‌شناڵ، پێشتر باسی کردوون به‌تایبه‌ت هوو جیا.

به‌ڵام ڕاینفێڵد ده‌بێ که‌نگێ ئه‌م کاره‌ بکات؟

سالین ده‌ڵێ ڕاینفێڵد ده‌بێ هه‌ر له‌ یه‌که‌م چاوپێکه‌وتنی خۆیدا له‌گه‌ڵ سه‌رۆککۆماری چین، ئه‌م بابه‌ته‌ بێنێته‌ گۆڕێ. دواتریش له‌و ماوه‌یه‌دا که‌ له‌وێ ده‌مێنێته‌وه‌، هه‌ر کاتێ چاوی به‌ ڕێبه‌رێکی چین ده‌که‌وێ ده‌بێ بابه‌ته‌که‌ بێنێته‌ گۆڕێ. بێتوو ڕاینفێڵد ئه‌مه‌ نه‌کا ئه‌وا سه‌فه‌ره‌که‌ی هیچ مانایه‌کی نابێت.

سه‌رۆکی ئۆپۆزیسیۆن مۆنا سالین ئه‌مڕۆ لیسته‌یه‌کی داوه‌ته‌ ڕاینفێڵد که‌ ناوی چوار چالاکی مافی مرۆڤی تێیدایه‌ که‌ له‌به‌ر چالاکییه‌کانیان له‌م بواره‌دا له‌ لایه‌ن ده‌وڵه‌تی چینه‌وه‌ له‌‌ گۆشه‌ی زیندان توند کراون، بۆ نموونه‌ هوو جیا که‌ هه‌فته‌ی ڕابردوو حوکمی سێ ساڵ و نیو زیندانی بۆ بڕایه‌وه‌. سالین له‌ نامه‌که‌یدا بۆ راینفێڵد ده‌نووسێ که‌ چاوه‌ڕێی ئه‌وه‌‌ی لێده‌کا که‌ کێشه‌ی تێبێتیش له‌گه‌ڵ سه‌رۆکانی چین بۆوێنه‌ سه‌رۆکۆمار و سه‌ره‌کوه‌زیری چین بێنێته‌ گۆڕێ.

شه‌وی ڕابردوو راینفێڵد سه‌رۆکوه‌زیری سوید له‌ وتووێژێکدا له‌گه‌ڵ ڕاپۆرت، به‌رنامه‌ی ده‌نگوباسی تله‌فزیۆنی سوید، گوتی ئه‌مه‌ ئاساییه‌ که‌ له‌ کێشه‌ی تێبێت بدوێت که‌چی گومانی له‌وه‌ هه‌یه‌ ناوی ئه‌و چه‌ند که‌سانه‌ش بێنێته‌ گۆڕێ.

ڕایفێڵد گوتی ئه‌وه‌ ئاساییه‌ که‌ بارودۆخی تێبێت بێنێته‌ گۆڕێ‌ و له‌و داوا جیهانییه‌ بدوێ که‌ چاره‌سه‌رییه‌کی ئاشتیانه‌ و نه‌رمونیان و به‌ڕێی گفتووگۆوه‌، بۆ پاراستنی زمان و تایبه‌تمه‌ندییه‌کانی کولتووریی و ڕه‌وایی مافی ئاوتۆنۆمی پێشکه‌ش ده‌کات به‌ڵام ئه‌وه‌ی که‌ چۆن سه‌باره‌ت به‌ هه‌ندێک ناوی ته‌که‌که‌سه‌کان، کاردانه‌وه‌ نیشان ب‌ده‌م، ئه‌وا دواتر لێی ده‌دوێین!

هه‌واڵنێری تله‌فزیۆن لێی ده‌پرسێ به‌ڵام مۆنا سالین ده‌ڵێ بێتوو ناوی ئه‌و که‌سانه‌ له‌ دیداره‌کانت له‌گه‌ڵ سه‌رکۆماردا باس نه‌که‌یت ئه‌وا سه‌فه‌ره‌که‌ت بۆ چین هیچ مانایه‌کی نابێت؟

ڕاینفێڵد ده‌ڵی ده‌ی که‌وابێ با مۆنا سالین بۆ خه‌ڵکی سوید ڕوونی کاته‌وه‌ که‌ له‌به‌رچی گرنگی ناداته‌ چاره‌سه‌رییه‌ک بۆ کێشه‌ی که‌شو هه‌وا؟ من له‌و دیداره‌مدا ده‌رفه‌تێکی زۆر تاقانه‌م بۆ هه‌ڵده‌که‌وێ که‌ دوو سه‌رۆکی به‌هێزی چین له‌ گفتوگۆیه‌کدا ئه‌وه‌ بزانن که‌ به‌رپرسییه‌کی زۆریان له‌ سه‌‌ر شانه‌‌ بۆئه‌وه‌ی‌ ڕێککه‌وتنێکی ناونه‌ته‌وه‌یی له‌ سه‌ر کێشه‌ی ئاووهه‌وا، له‌ چوارچێوه‌ی ئه‌نجومه‌نی نه‌ته‌وه‌ یه‌کگرتووه‌کاندا ئاماده‌ بکرێ. جا تۆ بڵێی مۆنا سالین هه‌ر به‌ ڕاستی پێی وابێ ئه‌وه‌ هیچ بایخێکی نییه‌ من ئه‌و کاره‌ بکه‌م و هه‌ر لێره‌ دانیشم باشتره،‌ ته‌نیا له‌به‌ر ئه‌وه‌ی ئه‌و شته‌ی ئه‌و ده‌یڵێ نایکه‌م؟

مۆنا سالین سه‌رۆکی سوسیالدیمۆکراته‌‌کان ده‌ڵێ چین زۆر باش ئه‌وه‌ ده‌زانێ که‌ هه‌موو وڵاتێک ده‌یه‌وێ په‌یوه‌ندیی بازاڕ و کڕین و فرۆشتنیان له‌گه‌ڵی هه‌بێ و کێشه‌ی که‌شوهه‌وای له‌گه‌ڵدا گفتوگۆ بکه‌ن. لێره‌دا بێتوو سه‌رۆکی وڵاتانی سه‌ربه‌خۆ نه‌یه‌ن و کێشه‌ی چالاکانی مافی مرۆڤی له‌گه‌ڵ نه‌هێننه‌ گۆڕێ، ئه‌وا ترسی ئه‌وه‌م ڕێده‌نیشێ که‌ چین ئه‌مه‌ وه‌ک قه‌بووڵکرانی ئه‌و ڕووداوانه‌ی له‌ وێ به‌سه‌ر که‌سه‌کان دێ، وه‌رده‌گرێت.

که‌چی ڕاینفێڵد سه‌رۆکوه‌زیر ده‌ڵێ ئێمه‌ ده‌بێ له‌ سه‌ر تاکه‌که‌سان زۆر به‌ پارێزه‌وه‌ بین چونکه‌ ئێمه‌ ئێستا له‌ حاڵه‌تێکداین که‌ سه‌رۆکانی چین له‌ به‌ره‌به‌ری یارییه‌کانی ئولۆمپیکدا هه‌ستیارن، بۆیه‌ ناوهێنان یا نه‌هێنانی تاکه‌که‌سان ره‌نگه‌ باش یا خراپ بێ و من ده‌مه‌وێ ئه‌و مافه‌ بۆخۆم راگرم که‌ ئاخۆ کامه‌یان بکه‌م، ئه‌ویش نه‌ به‌به‌رچاوی میدیاوه‌ به‌ڵکوو له‌ شوێن و‌ کاتی خۆی.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".