سوسیال دیمۆکراته‌کان پێشنیارێکی درێژماوه‌یان له‌ سه‌‌ر سیاسه‌تی فێرگه‌کان هێنایه‌ گۆڕێ

ئه‌مڕۆ بۆ یه‌که‌مین جار کۆبوونه‌وه‌یه‌ک له‌ نێوان یان بیۆرکلوند، وه‌زیری په‌روه‌رده‌ و حیزبه‌کانی ئۆپۆزیسیۆن، بۆ لێدوان له‌ سه‌ر بڕوانامه‌ی خوێندنگه‌ (skolbetyg) پێکهات.

یان بیۆرکلوند له‌ سه‌ر گرنگیی وه‌ها کۆبوونه‌وه‌یه‌ک بۆ ئاگاداری له‌ بیروڕای حیزبه‌کانی دیکه‌ ده‌دوێ و ده‌ڵێ پازده‌ ساڵه‌ ئاکامی خویندن له‌ فێرگه‌کانی سویدی به‌ره‌و خراپی چووه‌، بۆیه‌ پێویستییه‌کی یه‌کجار گه‌وره‌مان به‌ پێداچوونه‌وه‌ به‌ سیاسه‌تی فێرگه‌کاندا هه‌یه‌. پێویستیمان به‌ ئاکامی تاقیکاریی نه‌ته‌وه‌یی هه‌یه‌، پێویستیمان به‌ نمره‌نامه‌کانی پێشتر هه‌یه‌، پێویستیمان به‌ مه‌رجی گرانتر له‌ سه‌ر لوه‌به‌رچاوگرتنی دیسیپلینه‌کانی فێرگه هه‌یه‌‌، پیویستیمان به‌وه‌ هه‌یه‌ که‌ مامۆستاکان په‌روه‌رده‌ و شه‌هاده‌نامه‌ی به‌رزتریان هه‌بێت، ئێمه‌ پێویستیمان به‌ یاسای نوێی فێرگه‌ هه‌یه‌. بۆیه‌ ئێمه‌ که‌ له‌ کاتی هه‌ڵبژاردنیشدا به‌ڵێنیمان دابوو به‌ سیاسه‌تی فێرگه‌کاندا بچینه‌وه‌ ئه‌وا کاتی هاتووه‌، به‌جێی بێنین. له‌ دانیشتنی ئه‌مڕۆماندا جارێ به‌ پێشنیاری دانی نمره‌نامه‌ به‌ قوتابیاندا ده‌چینه‌وه‌. بزانین چۆن ده‌بێت.

له‌م جڤینه‌دا سوسیالدیموکراته‌کان پێشنیارێکیشیان پێبوو که‌ هه‌ندێ بواری سیاسه‌تی خوێندنگه‌ ده‌گرێته‌وه‌ و داوایان کرد که‌ ڕێککه‌وتننامه‌یه‌ک له‌ ده‌ره‌وه‌ی بلۆکه سیاسییه‌‌کان، بۆ ده‌ ساڵ له‌ سه‌ر هه‌ندێ خاڵ بنووسن. ماری گرانلوند (Marie Granlund)، قسه‌بێژی سوسیالدینۆکراته‌کان له‌ سیاسه‌تی خوێندنگه‌دا ده‌ڵێ ناکرێ هه‌ر چوار ساڵه‌ی جارێک سیاسه‌تی وڵات له‌ سه‌ر بڕوانامه‌ی خوێندنگه‌ بگۆڕی، که‌چی ئه‌م مه‌ترسییه‌ ئێستاکه‌ هه‌یه‌ و ئه‌مه ‌نه‌ بۆ قوتابییه‌کان باشه‌ نه‌ک بۆ مامۆستایان.

ماری گرانلوند ده‌ڵێ ڕێککه‌وتنێکی درێژماوه‌ی ده‌ پازده‌ ساڵه‌ له‌ سه‌ر بڕوانامه‌ی قوتابخانه‌‌، کاریگه‌رییه‌کی ئه‌رێنیی ده‌بێت و قوتابی ده‌زانێ که‌ دوای قوتابخانه‌ باشتره‌ چی بکات و چ ئاڵوگۆڕێک پێکبێنێ. ئه‌و ده‌ڵێ با وه‌ک فینلاند بکه‌ین. له‌وێ سیاسه‌تی فێرگه‌کان کاری به‌وه‌ نه‌داوه‌ کام حیزب یا بلۆکی سیاسی ده‌سه‌ڵاتداره.

یان بیۆرکلوند وه‌زیری په‌روه‌رده، نوێنه‌رانی هه‌ر سێ حیزبی ئۆپۆزیسیۆن، سوسیالدیمۆکراته‌کان، حیزبی چه‌پ (vänsterpartiet) و ژینگه‌‌ (miljöpartiet) ی بانگ کردووه‌ تا له‌ سه‌ر پێوه‌ری نوێی شه‌ش پله‌یی (den nya 6-gradiga betygsskalan) گفتوگۆ بکه‌ن که‌ حوکوومه‌ت ده‌یه‌وێ له‌مه‌ودوا کاری پێبکات. ئه‌و به‌محاڵه‌وه‌ پێی وایه‌ که‌ پێویست ناکا حیزبه‌کان له‌ سه‌ر هه‌موو خاله‌کان یه‌ک بگرن. بیۆرکلوند یه‌کگرتنی گشت حیزبه‌کانی سوید له‌ ساڵانی حه‌فتادا له‌ سه‌ر ئه‌مه ‌ڕێک بوون که‌ نمره‌نامه‌ له‌ فێرگه‌کانی سه‌ره‌تایی و ناوه‌ندی، ڕاکه‌ن که‌چی ڕێککه‌وتنێکی هه‌ڵه‌ بوو.

بیۆرکلوند ده‌ڵێ بێتوو یه‌که‌م جڤینی ئێمه‌ له‌ سه‌ر سیاسه‌تێکی یه‌کگرتوو بۆ نمره‌دان له‌ قوتابخانه‌کان، سه‌رکه‌وتوو بوو ئه‌وا ئاماده‌ین له‌ سه‌ر خاڵه‌کانی دیکه‌ش گفتوگۆ بکه‌ن ده‌نا به‌رده‌وامبوون له‌ سه‌ر وه‌ها ڕێککه‌وتنێک، هیچ مانایه‌کی نابێ.

سوسیال دیمۆکراته‌کان ده‌یانه‌وێ له‌ گه‌ڵ حیزبه‌ ده‌سته‌ڕاسته‌کانی ده‌سه‌ڵاتدار بۆ نموونه‌ له‌ سه‌ر ئه‌مه‌ش ڕێککه‌ون که‌ پاره‌یه‌کی زیاتر بۆ دامه‌زراندنی مامۆستای خوێندنبه‌رز دابین بکرێ و دایره‌ی کاروباری فێرگه‌کان (skolverket)، بۆی هه‌بێ که‌ ده‌سبه‌جێ ئه‌و فێرگانه‌ی گومانی ئه‌وه‌یان لێده‌کرێ کاره‌کانیان به‌ باشی به‌ڕیوه‌ نابه‌ن، دابخات. هه‌روه‌ها ئه‌وه‌ی که‌ بڕوانامه‌ی فێرگه،‌ زووتر له‌ پۆلی هه‌شت بدرێته‌ قوتابیان. ئه‌م بووچونه‌ له‌ به‌رامبه‌ر ئه‌و دوو ڕوانگه‌یه‌ی تره‌ که‌ یه‌کیان ده‌ڵێ با ئه‌م بڕوانامه‌یه‌ هه‌ر نه‌درێ و ئه‌وی دی ده‌ڵێ با هه‌ر له‌ ساڵی یه‌که‌مه‌وه‌ بدرێ.

وه‌زیری په‌روه‌رده‌، یان بیۆرکلوند ده‌ڵێ بۆ هه‌ر چه‌شنه‌ ڕێککه‌وتنێک ئاماده‌یی هه‌یه‌ به‌ڵام حازر نییه‌ سه‌ر بۆ ئه‌و مه‌رجه‌‌ دانوێنێ که‌ با له‌ ته‌مه‌نی حه‌وت ساڵییه‌وه‌ به‌راوردنامه‌ی به‌ نووسراو نه‌درێته‌ قوتابیان. له‌م خاڵه‌دا سوسیالدیمۆکراته‌کان و حیزبه‌ ڕاسته‌کانی هه‌ڤگرتی. ماریا گرانلوندتی سوسیالدیموکرات ده‌ڵێ له‌ کرده‌وه‌دا ئه‌مه‌ به‌و مانایه‌یه‌ که‌ منداڵان له‌و ته‌مه‌نه‌ که‌مه‌وه‌ بڕوانامه‌یان پێده‌درێ.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".