"کوردستان، ئه‌و وڵاته‌ی که‌ نییه‌"

ئینگمار کارلسۆن، به‌ شێوه‌ی په‌روه‌رده‌کارانه‌ی خۆی سه‌رنجی جیاواز له‌ باره‌ی پرسی چاره‌نووسسازی هه‌بوون یان نه‌بوونی کوردستانه‌‌وه‌ ڕوون ده‌کاته‌وه. مێژووی کورد و بارودۆخی ئێستایان به‌ وردی لێک ده‌درێنه‌وه‌: تورکیا، ئێران، عێراق و سووریا دژی ئه‌وه‌ن ده‌وڵه‌تی کوردستان له‌سه‌ر خاکی ئه‌واندا دابمه‌زرێندرێت.، به‌ڵام ئه‌م پرسه‌ پێوه‌ندیی هه‌ر به‌ به‌و داوایه‌ی هاووڵاتیانی که‌مینه‌وه‌ نییه‌ که‌ ڕووی له‌ زۆرینه‌ی ئه‌و وڵاتانه‌وه‌ نییه‌. پرسه‌که‌ ده‌سته‌یه‌ک توخمی دژه‌یه‌ک و ناکۆکی وه‌ک زمانی جیاواز، سیستمی به‌ری یه‌کتر بڕی کۆمه‌ڵایه‌تی و جیاوازی نێوان عه‌شیره‌تگه‌ری و کۆمه‌ڵگه‌ی نوێیه‌.  ئه‌مه‌یان تێکستی سه‌ر به‌رگی ئه‌و کتێبه‌یه‌ که‌ ئینگمار کارلسۆن به‌ نێوی ”کوردستان، ئه‌و وڵاته‌ی که‌ نییه‌” چاپی کردووه‌. 

کتێبه‌کانی ئینگمار کارلسۆن له‌ سوێد و تورکیادا ناویان داوه‌ته‌وه‌ و، گه‌لێکیان کراونه‌ته‌ تورکی،‌ ڕه‌نگه‌ کارلسۆن که‌ کۆنسلی گشتیی سوێده‌ له‌ تورکیا، ڕه‌نگه‌ شایی به‌م کاره‌ بێت. ئه‌و که‌ بڕیاره‌ به‌م زووانه‌ خانه‌نشین بکرێت، کتێبی  ”کوردستان ئه‌و وڵاته‌ی که‌ نییه‌”ـی له‌م دواییه‌دا بڵاو کردووه‌ته‌وه‌. کتێبه‌که‌ی کارلسۆن له‌ گه‌لێک ڕووه‌وه‌ دژی ئه‌و کوردستانه‌خه‌ونه‌ی کورده، که‌ لێیدا وه‌ک ژێرده‌سته‌ی‌ وڵاتێکی دیکه‌ی سه‌رده‌ست‌ ناژین. ئه‌مه‌ سه‌رتای ئه‌و وتاره‌یه‌ که‌ دلشه‌ دامیرباگ سه‌رناوی ”فێڵه‌کار”ـی لێ ناوه و‌، چه‌ند ڕۆژێک له‌مه‌وبه‌ر له‌ باره‌ی کتێبه‌که‌ و‌ ڕۆژنامه‌ی ئێکسپرێسندا بڵاوی کرده‌وه.

کتێبی ”کوردستان، ئه‌و وڵاته‌ی که‌ نییه‌” هێشتا به‌ ته‌واوی نه‌که‌وتووه‌ته‌ بازاڕه‌وه‌. که‌سانی پێوه‌ندیداری وه‌ک ڕۆژنامه‌وان و نووسه‌ر کوردۆ باکسی و فێرکاری زانستگه‌ چه‌تۆ ڕه‌سووڵ کتێبه‌که‌یان خوێندووه‌ته‌وه‌. له‌ لێدوانی ئه‌مڕۆدا ده‌یده‌نه‌ به‌ر باس و سه‌ره‌نجه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista