ئه‌وانه‌ی هاووڵاتیی سوید نین، کارتی پێناسه‌یان ده‌درێتێ

ده‌زگای باج،Skatteverket، له‌ سێپتامبری ساڵی ڕابردوودا ئه‌و ئه‌رکه‌ی له‌ لایه‌ن حوکوومه‌ته‌وه‌ پێ سپێردرا که‌ کارتێکی ‌پێناسه‌ی تایبه‌ت بۆ ئه‌و که‌سانه‌ی له‌ سوید ناونووس کراون، ته‌مه‌نیان له‌ سه‌رووی سێزده‌وه‌یه‌ و ده‌توانن ناسنامه‌ی خۆیان بسه‌لمێنن ده‌ربکات. ئاکامی ئه‌و کاره‌، ئێستا ئاماده‌یه‌ و له‌ مانگی شه‌شه‌وه‌ ده‌ست به‌ درانی ده‌کرێت.

دیاره‌ پێشتر بۆ ئه‌و که‌سانه‌ی هاووڵاتیی سوید نه‌بوون، زۆر دژوار بوو که‌ ئیدی کورت وه‌ربگرن. بۆ نموونه‌ بۆ ئه‌وه‌ی بانک، وه‌ها کارتێکی دابا، ده‌بوا که‌سه‌که‌، مشته‌ریی ئه‌و بانکه‌ بوایه‌. بۆ ئه‌وه‌ش که‌ ببیته‌ مشته‌ریی بانکیش بیت، ئه‌وا ده‌بێ ئیدی کورتت هه‌بێت. ‌

گرفتێکی دیکه‌ ئه‌وه‌ بوو که‌ وه‌رگرتنی پاره‌ی قه‌ره‌بووی دایکوباوکێتی، بۆ ئه‌و که‌سانه‌ی ئیقامه‌ت، واتا ئیزنی نیشته‌جێبوون له‌ سویدیان هه‌بوو به‌ڵام کارتی پێناسه‌ی ناسراو به‌ ئیدی کورتیان نه‌بوو، مه‌حاڵ بوو. چونکه‌ بانکه‌کان داوای کارتیان ده‌کرد.

که‌چی ئێستا هه‌ر وه‌کی گوترا، له‌ سه‌ره‌تای مانگی شه‌ش، یوونییه‌وه‌، ده‌زگای باج، سکاتتێ ڤه‌رکێت، به‌ ۴٠٠ کرۆن، کارتی پێناسه‌ ده‌داته‌ هه‌موو ئه‌و که‌سانه‌ی سێزده‌ ساڵیان پڕ کردبێته‌وه‌، ئیزنی مانه‌وه‌یان له‌ سوید هه‌بێ به‌ڵام نه‌بووبنه‌ هاووڵاتی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".