که‌می ما‌دده‌ی ئیۆستروگێن له‌ ده‌رماندا ڕاده‌ی توشبوون به‌ شێرپه‌نجه‌ی گه‌رووی منداڵدان زیاد ده‌کات

به‌پێی لێکۆڵینه‌وه‌یه‌کی نوێ که‌ له‌ سوید ئه‌نجام دراوه‌ و نزیکه‌ی چل هه‌زار ژن تێیدا به‌شداربوون، ده‌رکه‌وتووه‌ که‌ ئه‌و ژنانه‌ی له‌ ڕێی قووت دانه‌وه‌ ئه‌و ده‌رمانانه‌ به‌کاردێن که‌ ڕێژه‌ی مادده‌ی ئیۆستروگێن تێیاندا که‌مه‌ زیاتر له‌به‌ر مه‌ترسی توشبوون به‌ شێرپه‌نجه‌ی گه‌رووی منداڵدان دان. 

ئه‌مه‌ له‌ کاتێکدایه‌ که‌ ژماره‌یه‌کی زۆر له‌ ژنان له‌به‌ر مه‌ترسییه‌کانی زۆری رێژه‌ی ماده‌ی ئیۆستروگێن ده‌رمانه‌کانیان گۆڕێوه‌ته‌ ئه‌و ده‌رمانانه‌ی که‌ ئه‌و مه‌ده‌یه‌ تێیاندا که‌مه‌، تائێستا نزیکه‌ی 200هه‌زار ژن له‌ سوید له‌و جۆره‌ ده‌رمانه‌ به‌کاردێنن.

جێی باسه‌ مه‌ترسییه‌کانی ده‌رمانی که‌م ئیۆستروگێن تا پێش ئه‌نجامدانی ئه‌و لێکۆڵینه‌وه‌ نوێیه‌ بۆ پشکنه‌ر و شاره‌زایان نادیار بووه‌. نزیکه‌ی 1300 ژن به‌تایبه‌ت ئه‌و ژنانه‌ی له‌سه‌رو ته‌مه‌نی 65 ساڵیدان ساڵانه‌ توشی شێرپه‌نجه‌ی گه‌رووی منداڵان  دێن.

جێی خۆیه‌تی وه‌بیر بێنینه‌وه‌ که‌ مادده‌ی ئیۆستروگێن جۆره‌ هۆرمۆنێکی زایه‌ندییه‌‌ که ‌له‌ پیکهاته‌ی ژن و پیاودا هه‌یه‌، به‌ڵام ڕێژه‌ی ئه‌و هۆرمۆنه‌ له‌ ژناندا زیاتره‌ و بۆ گه‌شه‌کردنی له‌شی ژنان وه‌ک مه‌مک و ڕێکخستنی سووڕی مانگانه‌ی ژنان گرنگه‌ ئه‌مه‌ جگه‌ له‌وه‌ی که‌ ئه‌م هۆرمۆنه‌ توشبوون به‌ جه‌ڵته‌ی دڵ که‌م ده‌کاته‌وه‌ و هه‌ربۆیه‌ گوایا ڕێژه‌ی جه‌ڵته‌ له‌ناو پیاواندا زۆرتره‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".