مۆنا سالینی سۆسیالدیموکراته‌کان

لایه‌نگرانی مۆنا سالین و سۆسیالدیموکراته‌کان که‌می کردووه‌

له‌ پاییزی ساڵه‌وه‌، پارتیی سۆسیالدیموکراته‌کان دوای ئه‌وه‌ی مۆنا سالین ده‌ستیی سیاسیی له‌گه‌ڵ پارتیی ژینگه‌دا تێکه‌ڵاو کرد و دوایی پارتیی چه‌یشی خسته‌ شان، لاگیری که‌می کردووه‌ و له‌ ڕاپێوانه‌کاندا دیار که‌وتووه‌ که‌ ڕێژه‌ی لایه‌نگرانی پارتییه‌که‌ بۆ 33 ـ 34% داشکاوه‌ و خه‌ڵکانی سوێدیش 23% ـی باوه‌ڕیان به‌ مۆنا سالینی سه‌رۆکی پارتییه‌که‌ ماوه‌، له‌ کاتێکدا سه‌رۆکوه‌زیران و سه‌رۆکی پارتی نه‌ریتخواز، مۆدێراته‌کان فرێدریک راینفێلد دوو هێنده‌ی سالین ده‌نگی هێناوه‌. ستووننووسی ڕۆژنامه‌ی داگێنس نیهێته‌ر باربرو هێدڤال لای وایه‌ که‌ ئه‌م بارودۆخه‌ پێوه‌ندیی به‌ هه‌ردووکیانه‌وه‌ هه‌یه‌، هه‌م سالین و هه‌م راینفێلد. به‌ڵام که‌سێکی سۆسیالدیموکرات سه‌ختی لێ ده‌گوزه‌رێت سه‌رۆکی به‌ره‌ی به‌ربه‌ره‌کانی حوکوومه‌ت بێت. هێدڤال ئه‌مه‌ی هه‌م به‌ سۆسیالدیموکراته‌کانه‌وه‌ هه‌م به‌ سالینی سه‌رۆکیانه‌وه‌ دیوه‌ و سالینیش که‌ ده‌ڵێت له‌گه‌ڵ دوو پارتییه‌ هاوپه‌یمانه‌که‌یدا به‌ره‌ پێکه‌وه‌ ده‌نێت کاری ئه‌وی ڕوونتر نه‌کردووه‌ته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".