ڕادیۆی نێونه‌ته‌وه‌یی سوێد به‌رنامه‌کانی له‌ هه‌مان شه‌پۆلدا بۆ ستۆکهۆڵم کۆ ده‌کاته‌وه‌

له‌ 11 ـه‌ی مانگی مایه‌وه‌ په‌خشی که‌ناله‌کانی رادیۆی سوێد له‌ ستۆکهۆڵم ده‌گۆڕدرێت. ئه‌م گۆڕانه‌ بۆ بیسه‌رانی ڕادیۆی نێونه‌ته‌وه‌یی سوێد به‌و مانایه‌ ده‌که‌وێته‌وه‌ که‌ ئه‌و به‌رنامانه‌ی به‌ زمانی که‌مینه‌ و کۆچه‌ران بۆ نموونه‌ زایه‌ڵه‌ له‌ P2 بڵاو ده‌کرێته‌وه‌، بۆ  P6ده‌گوێزرێته‌وه و له‌سه‌ شه‌پۆلی 89،6 میگاهێرتزدا بڵاو ده‌کرێنه‌وه‌.

P6‌  ئه‌و که‌ناله‌ ده‌بێت که‌ به‌رنامه‌ی به‌ زمانی تری جیا له‌ سوێدیی لێ بڵاو ده‌کرێته‌وه‌، له‌ کاتێکدا P2 بۆ مووزیک ته‌رخان ده‌کرێت. ئه‌و که‌سه‌ی بیه‌وێت له‌ ستۆکهۆڵم به‌رنامه‌ی به‌ زمانی تر گوێ لێ بێت پێویستی نییه‌ که‌نال بگۆڕێت، له‌مه‌ولا هه‌موویان له‌سه‌ر شه‌پۆلی 89،6 ـی میگاهێرتزدا په‌خش ده‌کرێنه‌وه‌.

بۆ یه‌که‌م جاریش به‌رنامه‌ی زمانی ڕووسیای سپیی ڕادیۆی نیونه‌ته‌وه‌یی سوێد له‌ ئێف ئێمه‌وه‌ بڵاو ده‌کرێته‌وه‌.

به‌رنامه‌ی فینله‌ندی و فینلاندیی تورنێدال و سامی و په‌خشی ڕادیۆی په‌روه‌رده‌یی (UR) ـیش له P6‌ ده‌بیسترێت. خشته‌ی په‌خشه‌کان به‌ مووزیکی جۆراوجۆری دنیای ڕادیۆی سوێد SR Världen پڕ ده‌کرێته‌وه‌. ‌ 

ـ ئه‌و که‌سه‌ی که‌ ده‌یویست گوێی له‌ به‌رنامه‌ی زمانی خۆی بێت ناچار ده‌بوو که‌نالی جۆراوجۆر بگۆڕیت تا په‌خشی ڕادیۆی نێونه‌ته‌وه‌ی سوێدی به‌ زمانی خۆی ده‌دۆزییه‌وه‌. ئه‌مه‌ به‌رپرسی که‌ناله‌که‌ ئێللێ کاری هۆیێبه‌ری ده‌یڵیت و درێژه‌ی پێ ده‌دات: له‌و ڕێیه‌وه‌ که‌ په‌خشی ڕادیۆیه‌که‌ به‌‌ زمانی جودا بۆ بیسه‌رانی ستۆکهۆڵم له‌ P2 کۆ بکه‌ینه‌وه‌ و  P6بۆ مووزیک ته‌رخان بکه‌ین، ئه‌و ڕوونییه‌ ده‌نێینه‌وه‌ که‌ که‌ڵکی بۆ بیسته‌ر ده‌که‌وێته‌وه‌.

بۆ ئه‌و که‌سانه‌ی شێوه‌ی بیستنی جیا له‌ ڕادیۆی ئێف ئێم له‌ به‌رتر ده‌گرن، P6 له‌سه‌ر وێببیش داده‌نێین.

بۆ زانیاریی زیاتر سه‌ردانی ماڵپه‌ڕه‌ی sr.se/international‌ بکه‌ یان پێوه‌ندیی به‌مانه‌ی خواره‌وه‌ بگره‌:

به‌رپرسی که‌نالی P2 ئێللێ کاری هۆێیبه‌ری، ته‌له‌فۆن: 08- 784 48 67

به‌رپرسی ڕادیۆی نێونه‌ته‌وه‌یی سوێد ئینگمار لۆێفگرێن، ته‌له‌فۆن: 08- 784 72 00

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista