سزای سێکسکڕێن سووکه‌

سه‌ره‌ڕای قه‌ده‌غه‌کردنی که‌سانێکی زۆر سێکس ده‌کڕن

ئه‌گه‌رچی 10 ساڵی له‌مه‌وبه‌ر ئه‌و یاسایه‌ داهێنرا که ‌له‌ خه‌ڵکی پاوان ده‌کات سێکس بکڕن، هێشتا که‌سانێکی زۆر ئه‌م کاره‌ ده‌که‌ن و ئه‌گه‌رچی حوکوومه‌ت 200 میلیۆن کرۆنی بۆ به‌رگرتنی له‌شفرۆشی ته‌رخان کردووه، پۆلیس تاوانی سۆزکڕینی به‌ گرینگ نه‌گرتووه‌.‌ پشکنه‌ری تاوان له‌ شاری یۆتۆبۆری ماتس پاولسۆن ده‌ڵێت تاوانی وا که‌ سزاکه‌ی زۆر نییه‌ و پاره‌ و ئه‌رکێکی زۆری بۆ به‌خه‌رج ده‌درێت کارێکه‌ پێش کاری گرینتری ناخه‌ین.

ڕادیۆی سوێد به‌و مه‌به‌سته‌وه‌ ژماره‌ی که‌سانی وای بۆ ئاشکرا ببێت که‌ سۆز ده‌کڕن، جاڕێکی له‌شفرۆشیی بۆ ماوه‌ی هه‌فته‌یه‌ک بڵاو کرده‌وه‌. له‌ ماوه‌ی ئه‌و حه‌وت ڕۆژه‌دا هه‌زار که‌س به‌ مه‌به‌ستی سێکسکڕین پێونه‌دییان به‌ لایه‌نی جاڕ ـ رێکلامه‌که‌وه‌ ـ کر. به‌ڵام ساڵی 2007 ته‌نیا 80 که‌س به‌ هۆی تاوانی له‌شکڕییه‌وه‌ سزا دران، پارێزگه‌ی وایش هه‌ن که‌ له‌م ده‌ ساڵه‌ی قه‌ده‌غه‌کردنی له‌شفرۆشیدا یه‌ک تاکه‌ گازنده‌یشی لێدا به‌ پۆلیس نه‌گه‌یه‌نراوه‌.

کایسه‌ ڤالبێری که‌ گوته‌بێژی پۆلیسی دژ به‌ مرۆڤ و له‌شفرۆشییه‌ ده‌زانێ که‌ ده‌ستگه‌کانی پۆلیس سۆزفرۆشی له‌ ڕێی ئینته‌رنێته‌وه‌ به‌ هه‌ند ناگرن چونکه‌ سزای کاری وا که‌م و پۆلیس له‌ به‌رگتنی تاواندا ئاستی سزا له‌ به‌رچاو ده‌گرێت.

ساڵی پار حوکوومه‌ت 200 میلیۆن کرۆنی بۆ کاری دژ به‌ سۆز و مرۆڤفرۆشی  ته‌رخان کرد و 30 میلیۆنیشی بۆ ده‌ستگه‌کان پۆلیس دابین کرد، به‌و هیوایه‌وه‌ ئه‌نجامی چاکتر له‌ کاره‌کان بکه‌وێته‌وه‌، وه‌زیری داد بیاتریس ئاسک ده‌ڵێت، به‌ڵام ده‌یه‌وێت چاوه‌ڕێی یاسای سێکسکڕین بێت که‌ ساڵی داهاتوو ئاماده‌ ده‌کرێت، به‌ر له‌وه‌ی به‌رزکردنه‌وه‌ی ئاستی سزای تاوانی وا هه‌ڵسه‌نگێنێت

بیاتریس ئاسک ده‌یه‌وێت بۆ له‌مه‌ولایش سۆز و سێکسکرین به‌ تاوان دابنرێت

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".