فێرکاری سوێدی له‌ کوردستان ڕابه‌ری لاویان ڕاهێناوه‌

دوانزه‌ فێرکاری سوێدی به‌و مه‌به‌سته‌وه‌ جێوڕێی دیموکراسی‌ له‌ نێو لاوانی هه‌رێمی کوردستانی باشووردا پته‌و بکه‌ن به‌شداری پرۆژه‌یه‌ک بوون که‌ فه‌رهه‌نگی وه‌رزش و لاوانی به‌ مه‌به‌ستی سه‌ره‌کی گرتبوو، له‌ کوردستاندا جێوشوێنی بۆ دابهێنن. ئه‌م کاره‌ حوکوومه‌تی هه‌رێم ده‌ستپێشخه‌ری کردبوو، که‌ له‌ مانگی مارسی ڕابردوودا وه‌زاره‌تی وه‌رزش و لاوان ئه‌نجامی دابوو. ئه‌م پرۆژه‌یه‌ دوو هه‌فته‌ی کێشا و خولی جۆراوجۆری گرته‌وه‌ که‌ 240 گه‌نجی به‌و مه‌به‌سته‌وه‌ لێدا به‌شدار بوون، ڕابه‌ری وه‌رزش و لاوانیان لێ بکه‌وێته‌وه‌.

به‌رپرسی په‌یوه‌ندییه‌کانی کوردستان له‌ نوێنه‌رایه‌تیی حوکوومه‌تی کوردستان له‌ باکووری ئه‌ورووپادا نه‌سره‌ت حاجی وردی ده‌کاته‌وه‌:

ئه‌م پرۆژه‌یه‌ به‌ لای نه‌سره‌ت حاجییه‌وه‌ کارێکه‌ نێوانی باشی حوکوومه‌تی هه‌رێمی کوردستان و سوێد ده‌سه‌لمێنێت و نۆره‌ و رۆڵی نوێنه‌رایه‌تیی حوکوومه‌تی هه‌رێم به‌رچاوتر ده‌خات و، نه‌سره‌ت حاجی ده‌ڵێت ئه‌م کارانه‌ درێژه‌ ده‌کێشن.

کاته‌رینه‌ کۆرت که‌ فێرکارێکه‌ چالاک و تاکوو ئێستا له‌ گه‌لێک پرۆژه‌دا به‌شدار بووه‌ که‌ له‌ کوردستاندا به‌ ڕێوه ‌چووه‌ و فێرگه‌یه‌کی به‌رزی لێیدا دامه‌زراندووه‌ له‌گه‌ڵ ئولا لیندگۆردا ڕێبه‌ری ئه‌م پرۆژه‌یه‌ بووه‌ و ده‌ڵێت پێنج وه‌رگێڕی لاومان بۆ ئه‌م مه‌به‌سته‌ په‌یدا کرد که‌ به‌ خۆڕایی به‌شدارییام له‌ پرۆژه‌که‌دا کرد. کاته‌رینه‌ کۆرت فێرکاره‌کان ده‌ناسێنێت. کاته‌رینه‌ کۆرپ که‌ ده‌ڵێت پرۆژه‌که‌‌ له‌ ده‌ به‌ش پێکه‌وه‌ هاتبوو، ئه‌م جۆره‌ فێرکاری و دیدارانه‌ی بۆ لاوانی کوردستانی به‌لاوه‌ گرینگه‌ و ده‌ڵێت کوڕی کچی کوردستان پێویستییه‌کی گه‌ووره‌یان به‌ پرۆژه‌ و کاری وا هه‌یه‌.

پێکه‌وه‌نانی کۆمه‌ڵه‌ی خێرخواز و بێلایه‌ن و چۆنیه‌تیی به‌ڕێوه‌بردنی ئه‌م جۆره‌ کۆمه‌ڵانه‌ و دامه‌زراندنیان و ده‌وری به‌رچاویان له‌ کۆمه‌ڵگه‌دا و هه‌بوونی لاوی ڕابه‌ر و ئه‌و ده‌وره‌ی که‌ که‌سی وا ده‌یگێڕێت، به‌ لای کاته‌رینه‌ کۆرپه‌وه‌ به‌ردی گرنگی بناخه‌ی پێکه‌وه‌نانی کۆمه‌ڵگه‌ی به‌هێزی مه‌ده‌نیی کوردستانن.

لاوانی به‌شداری ئه‌م مه‌شقاندنه‌ی دیموکراسی و ڕابه‌رایه‌تییه‌ هه‌م  خانه‌ی لاوانی وا هه‌ڵیانبژاردبوون که‌ وه‌زاره‌تی وه‌رزش و لاوانی کوردستان له ‌35  جێی جیاوازی هه‌رێمه‌که‌دا دایانیمه‌زراندووه‌، هه‌م یانه‌ جیاوازه‌ وه‌رزشییه‌کان ده‌ستیان له‌ هه‌ڵبژاردنیاندا هه‌بووه‌، ئه‌م لایه‌نانه‌ به‌ گرینگیان گرتبوو‌‌ هه‌م کچ و هه‌م کوڕی لاو به‌شداری چالاکییه‌کان ببن، کاته‌رینه‌ کۆرپ ده‌ڵێت.

فاننی داڤێدسۆن یه‌کێکی فێرکاره‌ به‌شداره‌کانی پرۆژه‌که‌ بووه‌، که‌ له‌ بواری ڕابه‌رایه‌تیکردنی کاری لاوان و وه‌رزشدا کۆڕی به‌ ڕێوه‌ بردووه و‌، که‌ ده‌ڵێت له‌ کاره‌که‌مدا به‌ گرینگم گرتبوو لاوان ڕه‌گه‌زی ڕابه‌رایه‌تی له‌ خۆیاندا بدۆزنه‌وه‌ و شێوازی تایبه‌ت به‌ خۆیان دابهێنن.

ڕابه‌ری لاوی وا هه‌ن که‌ حه‌ز ده‌که‌ن شوێنی گه‌وره‌ داگیر بکه‌ن و له‌ ڕووی کۆڕ و کۆمه‌ڵدا بدوێن، که‌سانی تریان هه‌ن که‌ ده‌یانه‌وێت له‌ ڕێی گوێگرتن و وتوێژه‌وه‌ خه‌ڵکی خوار خۆیان بۆ ئاستی تر به‌رز بکه‌نه‌وه‌. داڤیدسۆن ده‌ڵێت.

ڕوونبی محه‌مه‌د ئیسماعیل یه‌کێکی ئه‌و وه‌رگێڕه‌ له‌ خۆ بوردانه‌ بووه‌ که‌ وه‌ک دیلامنج به‌شدار یپرۆژه‌که‌ بووه‌ و که‌ کۆڕ و کاره‌کانی پرۆژه‌که‌ی به‌لاوه‌‌ که‌ڵکی زۆری لێ وه‌رگرتووه.

داڤید لوند که‌ کتێبه‌وانی کتێبخانه‌یه‌کی گشتی سوێده‌ به‌ نێوی ڤێرلدس بیبلیۆتێکه‌وه‌ یه‌کێکی ئه‌م دوانزه‌ فێرکاره‌ بووه‌ و خولێکی له‌ بواری کاری کۆمه‌ڵه‌ی سه‌ربه‌خۆ و گێڕانی کۆڕوکوبوونه‌وه‌ی کۆمه‌ڵه‌ و گرتنی بڕیاری دیموکراسییه‌وه‌ به‌ ڕێوه‌ بردووه‌ و له‌ گێڕانی ئه‌م خوله‌یشدا ڕێبازی باوی ڕه‌چاو کردووه‌. ئه‌و ده‌وره‌ی که‌ کۆمه‌ڵه‌ی سه‌ربه‌خۆ له‌ پێکه‌وه‌نانی کۆمه‌ڵگه‌ی سه‌قامگرتوودا ده‌یگێڕیت تا دیموکراسی لێدا فه‌راهه‌م بێت و، چۆن ڕۆژه‌ڤی کاری کۆمه‌ڵه‌ی ئیدیال و سه‌ربه‌خۆ داده‌ڕێژرێت و دوایی به‌ کام جۆر ئه‌نجام ده‌درێت دوو به‌شی خوله‌که‌ی داڤید لون بوونه‌.

نه‌به‌ز قوربانی که‌ 28 ساڵی له‌مه‌وبه‌ر کوردستانی جێ هێشتووه‌ و نیشته‌جێی سوێد بووه‌، ئێستا فێرکار و ڕاهێنه‌ری وه‌رزشییه‌، فێرکارێکی تری به‌شداری ئه‌م پرۆژه‌یه‌ بووه‌ و قوربانی ده‌ڵێت که‌ هێندێک شتی نوێی له‌ کوردستان بۆ ده‌رکه‌وتووه‌، که‌ ژیانی ئێره‌ له‌ بیری بردووه‌.

دوێنێ ئێواره‌ نوێنه‌رایه‌تیی حوکوومه‌تی هه‌رێمی کوردستان به‌ بۆنه‌وه‌ی پرۆژه‌ی داهێنانی فه‌رهه‌نگی وه‌رزش و ئافراندنی ڕابه‌ری لاو له‌ کوردستان،  سیمینارێکی ساز کرد، که‌ به‌شی هه‌ره‌ به‌رچاوی فێرکارانی پرۆژه‌که‌ی لێدا به‌شدار بوون که ئه‌زموونی خۆیان له‌ سیمیناره‌که‌دا گێڕایه‌وه‌. ‌ کاره‌کانی نوێنه‌رایه‌تییه‌که‌ هه‌ر به‌م هێنده‌یه‌وه‌ نه‌وه‌ستاوه‌ به‌ڵکوو تامای تازه‌ی وایه‌ کاری ئه‌و کورده‌ نیشته‌نییه‌ی سوێد هه‌موار بکات که‌ ده‌یه‌وێت کاری نوێ له‌ کوردستان ده‌بهێنێت، به‌ڵام په‌کی له‌سه‌ر سه‌رمایه‌ی پێویست که‌وتووه‌.

نوێنه‌رایه‌تیی حوکوومه‌تی هه‌رێمی کوردستان کۆڕێکی تایبه‌ت به‌م مه‌به‌سته‌وه‌ له‌ مانگی جولیی داهاتوودا ده‌گێڕێت که‌ سه‌رمایه‌گوزاری سوێدیی لێدا به‌شدار ده‌بن. به‌رپرسی پێوه‌ندییه‌کانی نوێنه‌رایه‌تییه‌که‌ نه‌سره‌ت حاجی له‌م کاره‌وه‌ ده‌دوێت... که‌ سه‌ره‌تا کاره‌کانی دیکه‌ی نوێنه‌رایه‌تییه‌که‌ به‌ نێو باسه‌وه‌ ده‌هێنێت

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".