God dag kampsyster!

ڕۆژ باش خوشکی هاوسه‌نگه‌رم!

چالاکانه‌ به‌شداری له‌ خۆپیشاندانی نازییه‌کاندا ده‌که‌ن، له‌کاتی پڕوپاگه‌نده‌کردن بۆ سه‌نگه‌ری چه‌کدارانه‌ ووتار ده‌خوێننه‌وه‌، له‌سه‌ر شانۆ گۆرانییه‌ به‌ناوبانگه‌که‌ی هێزی سپی ده‌ڵێنه‌وه‌ و ئاماده‌شن به‌ زه‌بر له‌و که‌سانه‌ بده‌ن که‌ وێنه‌ی سوید ده‌شێوێنن و سویدی نین.

ئه‌وان ژنن.

به‌ڵام ئه‌و ژنانه‌ کێن بۆ ده‌بنه‌ ئه‌ندامی ئه‌و بزوتنه‌وه‌ توندڕه‌وه‌ نازییانه‌ی که‌ وه‌ک دژه‌ ژن ناسراون؟

کتێبی ڕۆژ باش خوشکی هاوسه‌نگه‌رم!God dag kampsyster وه‌ڵامی ئه‌و پرسیارانه‌ ده‌داته‌وه‌، ئه‌و کتێبه‌ له‌ نوسینی هه‌ردوو ڕۆژنامه‌وان ماریا بلومکڤیست و لیسا بیوروالده‌. گه‌شتێکی به‌رفراوانه‌ به‌ بزوتنه‌وه‌ نازییه‌کان له‌ سویدا. ئه‌م کتێبه‌ جگه‌له‌وه‌ی خوێنه‌ر به‌ چه‌ند کیژێکی چالاکی ئه‌و ڕێکخراوه‌ نازییانه‌ ئاشنا ده‌کات، ڕۆڵی ژنانیش له‌ هه‌ردوو بزووتنه‌وه‌ نازییه‌کان و پارته‌ دژه‌ بێگانه‌کاندا له‌ سویدی ئێستا و ئه‌ڵمانیای سییه‌کانی سه‌ده‌ی ڕابوردوو ئاشکرا ده‌کات.

ئه‌و کتێبه‌ له‌ سه‌ره‌تای ئه‌م مانگه‌دا که‌وته‌ به‌ر‌ده‌ستی خوێنه‌ران، تابزانین ئه‌و خوشکه‌ هاوسه‌نگه‌رانه‌ کێن له‌م کتێبه‌دا باسیان لێ ده‌کرێت و بۆ دراونه‌ته‌ به‌ر باس، له له‌گفتوگۆیه‌کی زایه‌ڵه‌ له‌گه‌ڵ یه‌کێک له‌ نوسه‌رانی کتێبه‌که‌وه‌ ئه‌و پرسیارانه‌ وه‌ڵام ده‌درێنه‌وه‌.

تێبینی!

ئه‌م به‌رنامه‌یه‌ ده‌توانرێت له‌ به‌رنامه‌ی زایه‌ڵه‌ی ئه‌مڕۆ واتا 11-06-2009 ببیسترێت و  تا 30 رۆژ له‌ ئه‌رشیڤدا ده‌دۆزرێته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".