ڕه‌نگه‌ وه‌رگرتنی کۆمه‌کی کۆمه‌ڵایه‌تی گرانتر ببێت

قه‌یرانه‌ ئابوورییه‌که‌ و هێنانی بێکاری له‌گه‌ڵ خۆیدا زه‌بری خێراتر و به‌گوڕتری له‌وه‌ی چاوه‌ڕوانده‌کرا له‌ بواری کاروباری کۆمه‌ڵایه‌تیی داوه‌. ته‌نها له‌ماوه‌ی ئه‌مساڵدا کۆی ئه‌و کۆمه‌که‌ی ده‌رێته‌ هاوڵاتی له‌سه‌دا 28 له‌سه‌ر بودجه‌ی حوکوومه‌ت زیادی کردووه‌. شایه‌نی باسه‌ و له‌ ڕاپرسییه‌کی کۆمه‌ڵه‌ی ئه‌کادیمییه‌کان ده‌رکه‌وتووه‌ له‌ هه‌ر ده‌ کۆمون هه‌شتیان پێیان وایه‌ که‌ بودجه‌ی ئه‌مساڵیان به‌شی کۆمه‌کی کۆمه‌ڵایه‌تی، سۆسیالبیدراگ، ی هاوڵاتییانیان ناکات.    

ئه‌وه‌ی که‌ زیاتر به‌رپرسانی ئه‌و کۆمۆنانه‌ی نیگه‌ران کردووه‌ ئه‌وه‌یه‌ که‌ ده‌ستگرتنه‌وه‌ له‌ بوودجه‌ی کۆمه‌کی کۆمه‌ڵایه‌تی به‌ر له‌ هه‌موو که‌س کار له‌ ‌و منداڵ و مێردمنداڵانه‌ ده‌کات که‌ له‌به‌ر کێشه‌ی خێزانی ناتوانن له‌ ماڵه‌وه‌ بژین.

به‌رپرسی کۆمه‌کی کۆمه‌ڵایه‌تی له‌ کۆمۆنی کالمار ماتس باریلوند ده‌ڵێت ژماره‌ی ئه‌و که‌سانی کۆمه‌کی کۆمه‌ڵایتی وه‌رده‌گرن زیادی کردووه‌ و چاوه‌ڕوانیش ناکرێت له‌ماوه‌ی ئه‌م پاییزه‌دا ژماره‌یان که‌م ببێته‌وه‌ به‌ڵکه‌ ڕه‌نگه‌ زیادیش بکه‌ن.