سوید شوێنی گه‌شت وگوزار به‌ بێگانه‌ی وڵاته‌که‌ی ده‌ناسێنێت

 له‌گه‌ڵ ئه‌وه‌ی ژماره‌ی ئه‌و که‌سانه‌ی که‌ له‌م هاوینه‌دا سه‌فه‌ر بۆ ده‌روه‌ی وڵات ده‌که‌ن زۆرن به‌ڵام له‌ هه‌ر ده‌ سویدی هه‌شتیان له‌ ناو سویددا ده‌مێننه‌وه‌. ئه‌مه‌ له‌ کاتێکدایه‌ که‌ زۆربه‌ی ئه‌و که‌سانه‌ی که‌ به‌ ڕه‌گه‌ز سویدی نین شاره‌زی شوێنی گه‌شتیاری له‌ سویدا نین. هه‌ربۆیه‌ کۆمه‌ڵه‌ی گه‌شتییاریی سوید له‌هه‌وڵی ئه‌وه‌دایه‌ سوید به‌ هاوڵاتییانی به‌ ڕه‌گه‌ز بێگانه‌ بناسێنێت.

به‌ر پرسی مێدیا له‌ کۆمه‌ڵه‌ی گه‌شتیاریی Jenny Engström ده‌ڵێت ئه‌وه‌ ئه‌رکی ئێمه‌یه‌ که‌ سوید به‌و که‌سانه‌ بناسێنین که‌ دێنه‌ وڵاته‌که‌مان، ئه‌وه‌ی که‌ هه‌مانه‌ له‌ شوێنی گه‌شت نیشانیان بده‌ین. شایه‌نی باسه‌ کۆمه‌ڵه‌ی گه‌شتیاریی له‌ شاری یۆتۆبۆری گه‌شتی کوێستان و میوانخانه‌ گه‌شتییارییه‌کانی سه‌ره‌ڕێ بۆ کۆمه‌ڵێک لاوی به‌ ڕه‌گه‌ز بێگانه له‌ ته‌مه‌نی نێوان 15 تا بیست وپێنج ساڵی به‌ ئامانجی ناساندنیان به‌ شوێنی گه‌شت و گوزار له‌ سویدا ڕێکخستووه‌. 

جێی باسه‌ که‌ش و هه‌وای ناله‌باری ئه‌م هاوینه‌ زۆربه‌ی سویدیه‌کانی  بۆ ده‌ره‌وه‌ی سنووری وڵاتانی ئه‌ندام له‌ یه‌کیه‌تیی ئه‌ورووپادا و بۆ به‌سه‌ر بردنی گه‌شتی هاوینه‌یان هان داوه‌. هۆکاری سه‌فه‌ری زۆری هاوڵاتییان ده‌گه‌ڕێنرێته‌وه‌ بۆ ئه‌وه‌ی که‌ تاقه‌ ئاسانکارییه‌ک‌‌ قه‌یرانه‌ ئابووریه‌که‌ له‌ به‌رژه‌وه‌ندی خه‌ڵکی کردبێتێ دابه‌زینی ڕێژه‌ی باجی موچه‌ و سوود ،رێنتا،یه‌ که‌ واده‌کات خه‌ڵکی توانای گه‌شت و سه‌فه‌ریان باشتر بێت. ئه‌مه‌ جگه‌ له‌ کێبه‌ڕکێێ ڕاکێشانی کڕیاری زیاتری نوسینگه‌کان که‌ نرخی بلییه‌ت هه‌رزانتر ده‌کات.