قه‌ده‌غه‌کرنی له‌چک هه‌ڵاواردنه

کۆمۆنی شیۆڤدێ به‌تاوانی هه‌ڵاواردنی ئێتنیکی له‌به‌رده‌م قه‌ره‌بووداندایه‌. دووساڵ له‌مه‌وبه‌ر بوو هیبا ئه‌لغه‌وابی سکاڵای دژ به‌ کۆمۆنه‌که‌ به‌رزکرده‌وه‌ کاتێک به‌هۆی له‌چکپۆشییه‌که‌ی نه‌هێڵڕا له‌ کافێتریایه‌کدا که‌ کۆمۆنه‌که‌ خاوه‌ندارێتی ده‌کات، له‌ کاره‌که‌ی به‌رده‌وام بێت.

جێی باسه‌ هیبا له‌ پاش سه‌فه‌رێکی له‌ساڵی 2007دا کاتێک گه‌ڕایه‌وه‌ بۆ کار له‌چکی پۆشی بوو، به‌ڵام خاوه‌نکاره‌که‌ی هیبه‌ی ئاگاداری کرده‌وه‌ گه‌ر له‌چکه‌که‌ی لانه‌بات ده‌بێت کاره‌که‌ی جێ بهێڵێت. پاساویش گوایا پاکو خاوێنییه‌. هیبه‌ مافی ئه‌وه‌ی هه‌یه‌ که‌ داوای قه‌ره‌بوو له‌ کۆمۆنی شیۆڤدێ بکات به‌ڕای نوێنه‌رایه‌تی دژ به‌ هه‌ڵاواردن دێ ئو. ئه‌و نوێنه‌رایه‌تییه‌ ئاماده‌شه‌ نوێنه‌رێک بۆ هیبه‌ له‌ دادگادا دابین بکات، به‌ڵام هه‌مان ئه‌و نوێنه‌رایه‌تییه‌ ماف ئه‌داته‌ کۆمۆنی شێۆڤدێ به‌ پێی ڕێکه‌وتنێک له‌گه‌ڵ هیبه‌دا کێشه‌که‌ چاره‌سه‌ر بکه‌ن. هیبه‌ش خۆشحاڵی خۆی ده‌رده‌بڕێت. 

ئه‌م بڕیاره‌ی نوێنه‌رایه‌تی دژ به‌ هه‌ڵاواردن جێێ شادوومانییه، هیبه‌ ده‌ڵێت، ئێمه‌ له‌ سوید سه‌ربه‌ستی هه‌ڵبژاردنی ئاینمان هه‌یه‌ و سه‌رم سوڕماوه‌ که‌ به‌و شێوه‌یه‌ که‌سێک که‌ ئاینی خۆی هه‌ڵبژاردووه‌ بریندار بکه‌ن. خۆ که‌سانێکی زۆر هه‌ن خاچ که‌ نیشانه‌ی مه‌سیحییه‌ته‌ هه‌ڵگرتووه‌ و گه‌روابوایه‌ ده‌بوا ئه‌و سه‌ربه‌ستییه له‌وانیش بسه‌ندرایه‌ته‌وه‌ به‌ڕای هیبه‌.