فۆندی خانه‌نشینه‌کان له‌ پڕۆژه‌ی گومانلێکراودا به‌کارده‌هێنرێن

گه‌وره‌ فۆندی ئاپێ، که‌ ژماره‌یه‌کی زۆری فۆندی حوکوومی خانه‌نشینی له‌ خۆگرتووه‌ و سه‌ر به‌ وه‌زاره‌تی داراییه‌ گومانی ئه‌وه‌ی لێده‌کرێت که‌ پاره‌ی خانه‌نشینی له‌ کۆمپانیای هه‌ڵکه‌ندنی کانه‌کاندا له‌ گواتیمالا خراوه‌ته‌ کار. ئه‌مه‌ له‌کاتێکدایه‌ که‌ ڕێکخراوه‌کانی تایبه‌ت به‌ مافه‌کانی مرۆڤ و مه‌رجه‌کانی تایبه‌ت به‌ شوێنی کار کێشه‌ و که‌م وکوورتی زۆریان سه‌باره‌ت به‌و کانانه‌ تۆمارکردووه‌.

شایه‌نی باسه‌ به‌ ڕای ئاپێ فۆنده‌ن خۆیان ده‌مێکه‌ ئاگایان له‌و کوموکوورتیانه‌یه‌‌ و گومانه‌کان بۆ سازدانی به‌دواداچوونێک ئاماده‌ی کردوون، تا ئه‌نجامی ئه‌و به‌دواداچوونانه‌ش ڕوون نه‌بنه‌وه‌ به‌نیاز نین هێچ کارڕاییه‌ک سه‌باره‌ت به‌ و کێشه‌یه‌ ئه‌نجام بده‌ن، واتا ئه‌و پشکانه‌ی که‌ ئاپێ فۆنده‌ن له‌ کۆمپانیاکانی هه‌ڵکه‌ندنی کانه‌کانی گواتیمالا خراونه‌ته‌ کار تا دوای به‌دواداچونه‌کانیان نافرۆشرێن.  له‌ فۆندی ئاپی ئێفه‌وه‌ یوناس ماگنوس ده‌ڵێت ئاگامان له‌ کێشه‌کان هه‌یه و به‌دواداچونێکیش به‌ڕیوه‌یه‌.