ژماره‌ی په‌ناخواستن له‌ سوید که‌م بۆته‌وه‌

له‌ماوه‌ی نیوه‌ی یه‌که‌می ئه‌مساڵدا ژماره‌ی په‌ناخوازیی له‌ سوید به‌ ڕێژه‌ی له‌سه‌دا 17 که‌م بۆته‌وه‌، ئه‌مه‌ به‌راورد به‌ هه‌مان ماوه‌ له‌ ساڵی ڕابوردوودا. له‌ هه‌مان کاتدا ماوه‌ی چاوه‌ڕوانی وه‌رگرتنی مۆڵه‌تی مانه‌وه‌ ،به‌ پێی زانیارییه‌کان له‌ ده‌ستگه‌ی کۆچه‌وه‌، تا دێت کورت ده‌بێته‌وه‌.

یه‌کێک له‌ هۆکاره‌کانی که‌م بوونه‌وه‌ی ژماره‌ی په‌ناخوازان له‌ سوید ئه‌وه‌یه‌ که‌ ژماره‌یه‌کی که‌متر له‌ عێراقه‌وه‌ کۆچ دێننه‌ سوید ئه‌مه‌ له‌ کاتێکدا عێراق پێشتر یه‌کێک بوو له‌و ووڵاتانه‌ی زۆرترین ژماره‌ی په‌ناخوازیان له‌ سویدا پێک هێنا بوو، ئێستا سۆماڵییه‌کان گه‌وروترین گروپی په‌ناخوازن له‌ سویددا.

 شایه‌نی باسه‌ له‌ کاتێکدا ژماره‌ی په‌ناخوازان به‌ گشتی که‌م ده‌بێته‌وه‌ ژماره‌ی منداڵان و لاوانی به‌ ته‌نها هاتوو له‌ زیاد بووندایه‌. له‌ماوه‌ی نیوه‌ی یه‌که‌می ئه‌مساڵدا نزیکه‌ی 200 منداڵ زیاتر به‌راورد به‌ ساڵی ڕابوردوو له‌هه‌مان ماوه‌دا به‌ ته‌نها په‌نایان هێناوه‌ته‌ سوید.

جێێ سه‌رنجه‌، به‌پێی زانیاریه‌کانی ده‌ستگه‌ی کۆچ، یه‌ک له‌هه‌ر چوار په‌ناخواز داواکانیان له‌یه‌که‌م به‌دواداچوونه‌وه‌ په‌سه‌ند ده‌کرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".