بشێوییه‌کانی یۆتێبۆری، هه‌ر به‌رده‌وامن

بشێوییه‌کانی گه‌ڕه‌کی فروێلوندای باژاری یوتێبۆری شه‌وی ڕابردووش هه‌ر به‌رده‌وام بوون. گابریێل ئه‌فریم که‌ باوکی سێ منداڵانه‌ یه‌کێ له‌و که‌سانه‌ بوو که‌ له نزیکه‌وه‌ ئاگاداری کوژاندنه‌وه‌ی ئاگره‌ به‌ ئه‌نقه‌ست کراوه‌کانی‌ (Tynnered) بوو. گابرێیل ڕه‌خنه‌ و بێزاریی خۆی له‌م چه‌شنه‌ ڕووداوانه‌ ده‌ربڕی و گوتی ئیدی که‌س هه‌ست به‌ ئاسایشی خۆی و بنه‌ماڵه‌که‌ی ناکا.

کۆمیساری ده‌زگه‌ی پۆلیسی یوتێبۆری، به‌رتیل کلاوسۆن پێی وایه‌ پڕیشکی ئه‌م ئاگره‌ ده‌توانێ خۆ بخزێنێته‌ شوێنه‌کانی تری وڵاتیشه‌وه‌، نه‌ک هه‌ر له‌ فروێلوندای یۆتێبۆری و رۆسنگۆردی مالموێ قه‌تیس بمێنێته‌وه‌.

به‌رتیل کلاوسۆن له‌ سه‌ر ئه‌و گومانه‌یه‌ که‌ گرووپه‌ تاوانکاره‌کانیش ده‌ستیان له‌و ڕووداوانه‌دا هه‌بووه‌ و ئه‌مه‌ به‌ ده‌رفه‌تێکی زۆر باش ده‌زانن. واته‌ بێت و پۆلیس هێزێکی زۆر بۆ ئه‌م کێشه‌ خۆجێییه‌ ته‌رخان بکات و کارمه‌ندانی ئاگرکوژێنه‌وه‌ به‌ ته‌واوی خۆ بگه‌یێننه‌ شوێنی ئه‌و ئاگره‌، ئه‌وا ده‌رفه‌تێکی زێڕینیان ده‌ست ده‌که‌وێ که‌ کاری دیکه‌ی تاوانکارانه‌ بکه‌ن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".