"با پاره‌ی یارمه‌تیی خوێندکاران و خانه‌نشینان زیاد بکرێت"

حیزبی ناوه‌ند، سێنترپارتێێت، له‌ به‌ره‌به‌ری دانوستاندن له‌ سه‌ر بودجه‌ی حوکوومه‌ت بۆ ساڵی داهاتوو، هه‌ڵوێستێکی توندی گرتووه‌. ئه‌ویش له‌ سه‌رمایه‌دانان بۆ خوێندکارندا خۆی ده‌گرێته‌وه‌ به‌ر له‌وه‌ی باجی داهات دابشکێ. قسه‌بێژی سیاسه‌تی لاوانی حیزبی سه‌نته‌ر ئانی یوانسۆن وا ده‌ڵێ.

ئه‌گه‌ر مۆدێراته‌کان ده‌ میلیارد کرۆن به‌ داشکاندنی باجی داهات، بۆ ئه‌وانه‌ی کار ده‌که‌ن وه‌ده‌ست ده‌خه‌ن، که‌وابێ ده‌توانین ده‌ میلیاردیش بۆ به‌هێزکردنی باری ئابووریی خوێندکارانی وڵات و خانه‌نشینه‌ هه‌ژاره‌کان په‌یدا که‌ین. ئه‌م دوو بواره‌ ده‌بێ به‌ر له‌ چوونه‌ ناو قۆناغی داشکاندنی باج له‌ داهاتی کار له‌ به‌ر چاو بگیرێن.

له‌ دانوستاندن له‌ سه‌ر بودجه‌ی ساڵی داهاتوو، حیزبی سه‌نته‌ر داواکاری زێده‌بوونی ئاستی ئه‌و پاره‌یه‌یه‌ که‌ خوێندکار ده‌توانێ به‌ کار په‌یدای بکات و وامه‌‌که‌شی له‌ ده‌زگه‌ی قه‌رزی‌ خوێندن هه‌روا وه‌ربگرێت.

ئاننی یوانسۆن ده‌ڵێ ئه‌مڕۆ قوتابیان له‌ مه‌مره‌ ومه‌ژیی ئابووریدا ده‌ژین و ئه‌رکی سه‌رشانمانه‌ که‌ به‌ باری ڕاستدا هه‌ڵیانسێنینه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".