دیارده‌ی ئاگرنانه‌وه‌ زیادی کردووه‌

ئاگرنانه‌وه‌ بۆته‌ دیارده‌یه‌کی به‌ربڵاو له‌ سویددا، له‌ماوه‌ی پشووی هه‌فته‌ی ڕابوردوودا  خوێندنگایه‌ک له‌ باشوری ستۆکهۆلم  و له‌ یۆتۆبۆریش چه‌ند سه‌یاره‌یه‌ک سوتێنران.

له‌ ماوه‌ی ده‌ ساڵی ڕابووردودا ژماره‌ی ئاگرکه‌وتنه‌وه‌کان دووجا زیادی کردووه‌، واتا نزیکه‌ی 270 ئاگر که‌وتنه‌وه‌ له‌ماوه‌ی ساڵێکدا، به‌پێی ئاماره‌کانی ده‌ستگه‌ی ئاماده‌گی و پارێزگاری کۆمه‌ڵگه‌. ئێم ئێس بێ.

 شایه‌نی باسه‌ پۆلیس ئاماده‌گییه‌کانی خۆی بۆ به‌رنگاربوونه‌وه‌ی ئه‌م دیارده‌یه‌ توند و تۆڵ ده‌کاته‌وه‌ و له‌ شاری یۆتۆبۆری ده‌ست به‌ چالاکی بۆ لێکۆڵینه‌وه‌ و وه‌ستانه‌وه‌ به‌ڕووی ئه‌م جۆره‌ تاوانه‌دا ده‌ستی پێکردووه‌.

به‌رتیل کلایسۆن له‌ ده‌ستگه‌ی پۆلیسی یۆتۆبۆرییه‌وه‌ ده‌ڵێت من پێم وایه‌ چه‌ندین هۆکار له‌ پشت ڕوودانی ئه‌م ئاگرنانه‌وانه‌وه‌ هه‌ن، بۆنموونه‌ ڕه‌نگه‌ هۆکار ته‌نها چێژ وه‌رگرتن بێت له‌ ئاگرنانه‌وه‌ یاخود ده‌ربڕینی بێزاری بێت به‌رامبه‌ر به‌ بارودۆخی ناله‌باری ژیان.    

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".