گومانی ساخته‌ له‌ به‌ڵگه‌ی مۆڵه‌تی مانه‌وه‌ی په‌ناخوزان ده‌کرێت

دوو فه‌رمانبه‌ر که‌ کاریان وه‌ک ڕێنماییکار بۆ ده‌ستگه‌ی کۆچ کردووه‌، گومانی به‌رتیل وه‌رگرتنیان له‌ به‌رامبه‌ر ئاسانکاری بۆ وه‌رگرتی مۆڵه‌تی هه‌میشه‌یی لێده‌کرێت. شایه‌نی باسه‌ یه‌کێک له‌و فه‌رمانبه‌رانه‌ کاری توێژینه‌وه‌ی زمانه‌وانییه‌ و ئه‌وه‌ی تریان کاری وه‌رگێڕیی ده‌کات.

شایه‌نی باسه‌ ئه‌و دوو فه‌رمانبه‌ره‌ گومانی ئه‌وه‌یان لێ ده‌کرێت له‌ به‌رامبه‌ر 20 هه‌زار کرۆندا کارئاسانیان بۆ که‌سانی په‌ناخواز بۆ وه‌رگرتنی مۆڵه‌تی هه‌میشه‌یی کردبێت، گوایا به‌ درۆکردن سه‌باره‌ت به‌و وڵاته‌ی په‌ناخوازی لێوه‌ هاتووه‌ کار ئاسانیان بۆ مانه‌وه‌یان کردووه‌. 

له‌ حاڵی حازردا سکاڵا دژ به‌ توێژه‌وه‌ری زمانه‌وانییه‌که‌ دراوه‌ته‌ پۆلیس و ده‌ستگه‌ی کۆچ له‌ 7 پرسی تری په‌ناخوازان به‌ گومانی ئه‌و جۆره‌ ساختانه‌ ده‌کۆڵێته‌وه‌. جێی سه‌رنجه‌ یه‌کێک له‌و په‌ناخوازانه‌ی به‌و ڕێگه‌یه‌ مۆڵه‌تی وه‌رگرتووه‌ پێ ده‌چێت مۆڵه‌ته‌که‌ی لێ بسه‌ندریته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".