هاوپه‌یمانانی سوور و سه‌وز، له‌ هه‌ڵبژاردنی نه‌رویژدا بردیانه‌وه‌

شه‌وی ڕابردوو ده‌رکه‌وت که‌ هاوپه‌یمانی سووور و سه‌وزی نه‌وریژی بریتی له‌ سێ حیزبی Arbeiderpartiet، Sosialistisk Venstre و  Senterpartietهه‌ڵبژاردنی سه‌راسه‌ریی وڵاتیان بردۆته‌وه‌ به‌ڵام به‌ زۆرینه‌یه‌کی لاواز. واتا ٨٦ له‌ به‌رامبه‌ر ٨٣دا. ساڵۆنی کۆبوونه‌وه‌ی ئاربێدرپارتیێت، دروشمی تێدا ده‌درا: فیرا نییا ئۆر، واتا چوار ساڵی دیکه‌ش.

هه‌ر دوای ئه‌وه‌ بوو که‌ سه‌رۆکوه‌زیر "یێنس ستۆلتن‌به‌ری" سه‌رکه‌وتنی خۆی و حیزبه‌که‌ی و هاوپه‌یمانانی ڕاگه‌یاند.  به‌مجۆره‌ ستۆلتن‌به‌ری بۆ چوار ساڵی دیکه‌ش وه‌ک سه‌رۆکوه‌زیری وڵاته‌که‌ی مایه‌وه‌ ئه‌ویش پاش ده‌سه‌ڵاتی به‌رده‌وامی ١٦ ساڵه‌ی حوکوومه‌تی.

شرۆڤه‌کان باسی ئه‌وه‌ ده‌که‌ن که‌ نه‌بوونی به‌رنامه‌یه‌کی هاوبه‌شی به‌ره‌ی بۆرژووای به‌رهه‌ڵستکاری حوکوومه‌ت، هۆکاری ئه‌وه‌یه‌ که‌ حوکوومه‌تی نه‌روێژ نه‌گۆڕدرا.

له‌ کاتێکدا سه‌رۆکوه‌زیرانی نه‌روێژ ـ یێنس ستۆڵتێنبه‌ری ـ لای وایه‌ حوکوومه‌ت به‌ هۆی ئه‌و شێوازه‌یه‌وه‌ که‌ پێی به‌ره‌نگاری ته‌نگژه‌ داراییه‌که‌ بووه‌وه‌، له‌ لایه‌ن خه‌ڵکی نه‌روێژه‌وه‌، پاداشت کراوه‌ته‌وه‌‌.

هاوکات حیزبه‌کانی بلۆکی بورژوایی، رایانگه‌یاند که‌ نایانه‌وێ له‌ گه‌ڵ حیزبی دژه‌ بیانیی ناودێر به‌ (Fremskrittspartiet) هاوکاری بکه‌ن هه‌رچه‌ند ئه‌و حیزبه‌ش له‌ هه‌لبژاردندا سه‌رکه‌وتنی وه‌ده‌ست هێناوه‌ و نزیکه‌ی ٢٣ له‌سه‌دی ده‌نگه‌کانی کرده‌ هی خۆی. سه‌رۆکی حیزبه‌که‌ خاتوو سیڤ یێنسن گوتی: وێده‌چی ئێمه‌ گه‌وره‌ترین سه‌رکه‌وتنی خۆمانمان له‌ مێژووی حیزبه‌که‌دا وه‌ده‌ست هێنابێ.

سیڤ یێنسن گوتی: ئێمه‌ سێره‌مان له‌ هه‌ڵبژاردنی ٢٠١٣ گرتووه‌ و حه‌ز ده‌که‌ین به‌ هاوکاریی حیزبه‌کانی تر بیبه‌ینه‌وه‌، ده‌نا بێت و پێویست بێ به‌ ته‌نیا ده‌یکه‌ین.

ئاکامی هه‌ره‌ خراپی هه‌ڵبژاردنه‌که‌ به‌ نسیب حیزبی لیبرالی چه‌پ بوو که‌ یه‌ک کۆما دوو له‌سه‌دی ده‌نگه‌کاانی له‌ ده‌ست دا. سه‌رۆکی حیزبه‌که لارش سپۆنهه‌یم ڕایگه‌یاند که‌ هۆی ئه‌م ئاکامه‌ خراپه‌ ئه‌وه‌ بوو که‌ دیوارێکی قایممان دژی حیزبی دژه‌ بیانیی (Fremskrittspartiet) و حیزبه‌ هه‌ره‌ ڕاسته‌کان نه‌کێشا.‌