کرۆنی سویدی له‌به‌رامبه‌ر دۆلاردا به‌هێز بووه

کرۆنی سویدی به‌ ڕێژه‌ی له‌سه‌دا بیست له‌ به‌رامبه‌ر دۆلاردا له‌ماوه‌ی شه‌ش مانگدا به‌هێزبووه‌،  له‌سه‌ره‌تای به‌هاری ڕابووردودا نرخی دۆلارێک زیاد له‌ نۆ کرۆن بوو، ئێستا نزیکه‌ی حه‌وت کرۆن به‌سه‌ بۆ کڕینی دۆلارێک. ئه‌م بوژانه‌وه‌یه‌ له‌ بارودۆخی ئابووری ئاساییدا مانای هه‌رزان بوونی نرخی شتوومه‌کی هاورده‌یه‌. هه‌رزانییه‌ک له ئێستاوه‌ له‌‌ نرخی خواردندا به‌رچاو ده‌که‌وێت و چاوه‌ڕیش ده‌کرێت ڕه‌نگدانه‌وه‌ی له‌سه‌ر نرخی که‌ل و په‌لی ئه‌له‌کترۆنش هه‌بێت.

هاوشانی به‌رزبوونه‌وه‌ی نرخی کرۆنی سویدی نرخی یورو که‌می کردووه به‌و واتایه‌ی کڕیاری سویدیی به‌ هیوای هه‌رزانبوونی شت و مه‌کی هاورده بن، به‌ڵام ئه‌و هیوایه‌ و هه‌رزان بوونی نرخی شت و مه‌ک له‌ بواره‌ جیاجیاکاندا و ڕه‌نگدانه‌وه‌ی بوژانه‌وه‌ی کرۆن له‌ بازاڕدا به‌گشتی په‌یوه‌سته‌ به‌ ماوه‌ی پرۆسه‌ی کڕینی شت و مه‌ک له‌لایه‌ن کۆمپانیاکانه‌وه‌ تا ئه‌و کاته‌ی له‌ بازاڕ و دووکانه‌کاندا ده‌که‌ونه‌ به‌ر ده‌ستی کڕیار.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".