Perwerda civakî ji bo biyaniyan

Hikûmeta Swêdê wezîfe da lêkolînerek taybet, professor Erik Amnå li zaningeha Örebro ku pêşniyaz bîne da divê biyanî yên nûhatî li ser civaka Swêdê çi ders bixwînin.

Li gorî dîrektîfên hikûmetê divêt biyanî di derbarê nirxên bingehîn yên demokrasîyê û wekheviya mirovan ders bigrin. Hem zanebûn û hem jî fikrekê dê wereyîn da jiyana li welatekê weke Swêdê tê çi wateyê, wekheviya jin û zilaman û rêzgirtina mafên ciwanan çiqas girîng e. 

Her weha dê agahiyên zelal werin dayîn da maf û erkên kesan çi ne. Weke mînak mafê û azadiya ciwanan ya di warê seksualîteyê, hilbijartina hevalê xwe yê jiyanê û ne-lêdana zarokan, dê mijarên van dersan bibe, dibêje wezîra hevgunciyê, Nyamkom Sabuni ji ajansa nûçeyan TT re.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade ljud i menyn under Min lista