Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

کورد له‌ تورکیا مافی زیاتری پێ ده‌درێت

له‌م هه‌فته‌یه‌کدا زۆر پرسی سیاسی له‌ تورکیا یه‌کلا ده‌بێته‌وه‌ که‌ کارکردی به‌سه‌ر حوکوومه‌ته‌که‌ی و کورد له‌و وڵاته‌دا ده‌نێته‌وه‌. حوکوومه‌ته‌که‌ی نه‌خشه‌ و به‌رنامه‌یه‌ک ده‌خاته‌ ڕوو که ئه‌و مافانه بۆ‌‌ 15 تا 20 میلیۆن کورد له‌وێ‌‌ دابین ده‌کات که‌ تاکوو ئێستا پێیان ڕه‌وا نه‌بینراوه‌ و که‌ ڕێیش له‌‌ خه‌باتی چه‌کدارانه‌ی‌ په‌که‌که ده‌گرێت. ‌

ئه‌مڕۆ که‌ وه‌زیری ناوخۆی تورکیا پلانی به‌رفراوانی حوکوومه‌ته‌که‌ی به‌ په‌رله‌مانی وڵاته‌که‌ی ڕاده‌گه‌یه‌نێت 25 ساڵ به‌سه‌ر خه‌باتی گه‌لی کورد له‌ تورکیا تێپه‌ڕ ده‌بێت.  پلانه‌که‌ی حوکوومه‌تی تورکیایش به‌ کارێکی وا داده‌نرێت که‌ پشتگیریی خه‌ڵکانی کوردستانی تورکیای بۆ ئه‌و خه‌باته‌ی کوردی پێ که‌م بکرێته‌وه،‌ که‌ پارتیی کرێکارانی کوردستان ـ په‌که‌که‌ ـ ده‌یگێڕێت. 

ئه‌م ناکۆکییه‌ی نێوان کوردی مافخوازی تورکیا و ده‌سته‌ڵاتی ئه‌و وڵاته‌ تاکوو ئێستا 45 هه‌زار کوژراوی لێ که‌وتووه‌ته‌وه‌. سا ئه‌گه‌رچی یه‌ک له‌ پێنجی هاووڵاتییانی تورکیا کوردن، به‌ڵام هێشتا مافه‌ بنه‌ڕه‌تییه‌کانیان ـ هیچ نه‌بێت به‌ زمانی خۆیان بدوێن ـ پێ ڕه‌وا نه‌بینراوه‌.

گه‌لێکی پێشنیازه‌کانی حوکوومه‌ت گۆڕێنی یاسا بنه‌ڕه‌تییه‌کانی تورکیای بۆ به‌ مه‌رج گیراوه‌. بۆیه‌ ده‌بێت به‌ره‌ی به‌رهه‌ڵستکار له‌ په‌رله‌مانی تورکیا پشتی پێشنیازه‌کان بگرێت بۆ ئه‌وی ده‌نگی زۆرینه‌ی په‌رله‌مان بۆ گۆڕانکارییه‌کان مسۆگه‌ر بکرێت.

ئه‌ندامانی پارتیی کرێکارانی کوردستان ـ په‌که‌که‌ ـ یش ئه‌گه‌ر چه‌ک دابنێن، لێبوردنی گشتییان بۆ جاڕ ده‌درێت. ئه‌و 12 هه‌زار کورده‌ی تورکیا که‌ نیشته‌جێی خێوه‌تگه‌کانی عێراقن و‌ که‌سانی سه‌ر به‌ په‌که‌که‌یشیان له‌نێودا هه‌یه‌، ده‌توانن بۆ تورکیا بگه‌ڕێنه‌وه‌. به‌ڵام لێبوردنه‌که‌ نه‌ عه‌بدلڵا ئۆجه‌للان ده‌گرێته‌وه، که‌ له‌ به‌ندیخانه‌یه‌ و‌ نه‌ چینی سه‌رکرده‌ی پارتییه‌که‌.

به‌پێی پێشنیازه‌کان زمانی کوردی له‌ خوێندنگه و مزگه‌وت و ده‌ستگه‌ فه‌رمییه‌‌کاندا ئازاد ده‌کرێت، ڕێی‌ په‌خشی نافه‌رمی به‌ زمانی کوردی له‌ ته‌له‌ڤزیۆن و ڕادیۆدا ده‌درێت، ئه‌و شوێنانه‌ی که‌ ناوی کوردییان هه‌بووه‌ ناوه‌ کوردییه‌کانیان لێ ده‌نرێته‌وه‌، ده‌وڵه‌ت کۆمه‌کی کتێبی کوردی له‌ کتێبخانه‌ و خوێندنگه‌کاندا ده‌کات و هه‌موو بڵاوکراوه‌یه‌کی تایبه‌ت به‌ هه‌ڵبژاردنیش ده‌بێت به‌ زمانی کوردیش دابین بکرێن. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".