Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ڕینکه‌بی جه‌نگاوه‌ر بۆ سۆماڵ ده‌نێرێته‌وه‌

ژماره‌یه‌کی زۆر له‌و لاوانه‌ی له‌ سویده‌وه‌ بۆ به‌شداری له‌ جه‌نگه‌کانی سۆماڵ ڕۆشتوونه‌ته‌وه‌ له‌ گه‌ڕه‌کی ڕیبنکه‌بیی ستۆکهۆلمه‌وه‌ نێردراونه‌ته‌وه‌. لاوێکی 30 ساڵانه‌ که‌ له‌ بنکه‌ی چالاکیی کاتی ئازاددا ،فریتیدسگۆرد، به‌ناوی ،کریاتیڤیتێتسهیوسێت، له‌ رینکه‌بی کاری کردووه‌ گوایه‌ ئه‌رکی په‌یوه‌ندی کردنی لاوانی له‌ سویده‌وه‌، له‌ڕێی گروپی  ئیسلامیی ئه‌لشاباب، له‌گه‌ڵ سۆماڵ له‌ ئه‌ستۆدا بووه‌. ژماره‌یه‌کیش له‌ لاوانی ڕینکه‌بی شایه‌تحاڵی چالاکی ئه‌و گروپه‌ ئیسلامییه‌ن، یه‌کێک له‌وانه‌ ڕادیۆی سوید به‌شی زمانه‌ بێگانه‌کان دواندویه‌تی.  

- به‌ ڕێکه‌وت له‌م سێنترومه‌دا ،واتا سه‌نته‌ری ڕینکه‌بی، بینیوومه‌ که‌سانێک وێنه‌ی قوربانیانی جه‌نگ و سه‌ریی بڕاو و وێنه‌ی تری له‌و جۆره‌یان نیشانی لاوان داوه‌، په‌یامێک که‌ هه‌میشه‌ دووباره ده‌بۆوه‌ و کاریگه‌ریی به‌بره‌وی هه‌یه‌ گه‌ر که‌سێک توانای به‌ره‌نگاربوونه‌ی‌ که‌م بێت. 

جێی باسه‌ ئه‌و لاوه‌ی که‌ سه‌رۆکایه‌تی گروپی لاوانی ئیسلامی له‌ ڕینکه‌بی ده‌کرد، پیش سالێک دیارنه‌ما، رادیۆی سوید چه‌ند جارێک هه‌وڵیداوه‌ په‌یوه‌ندی پێوه‌ بکات به‌ڵام بێ ئه‌نجام بوون، به‌پێێ زانیارییه‌کان ئێستا ئه‌و که‌سه‌ له‌ سۆماڵ به‌رپرسێتییه‌کی به‌رزی له‌ ناو گروپی ئه‌لشه‌بابدا هه‌یه‌‌. ئه‌و په‌یامه‌ی ئه‌و گرووپه‌ ئیسلامییانه‌ بۆ هاندانی لاوان بۆ جه‌نگی موسوڵمانان له‌ سۆماڵ په‌یمانی چوونه‌ به‌هه‌شت بووه‌، له‌ زاری یه‌کێک له‌ شایه‌تحاڵه‌کانه‌وه. 

 ئه‌و بنکه‌ی چالاکی ئازاده‌ی که‌ له‌ ڕینکه‌بی ببوه‌ سه‌رچاوه‌ی ئه‌م جۆره‌ چالاکییانه‌ نزیکه‌ی 480 هه‌زار کرۆنیان له‌لایه‌ن به‌ڕێوه‌به‌رایه‌تی وه‌رزشه‌وه‌ له‌ ستۆکهۆلم بۆ ماوه‌ی چوار ساڵ بۆ ته‌رخان کرابوو، به‌ڵام کاتێک پێ زانرا کچان و کوڕان له‌و بنکه‌یه‌دا لێک جیا ده‌کرێنه‌وه‌ پاره‌که‌یان لێ سه‌ندرایه‌وه‌ و ساڵی پار بنکه‌که‌ داخرا، به‌ڵام به‌ پێی زانیارییه‌کانی پۆلیسی ئاسایش سێپۆ، تا ئێستا هاندانی لاوان بۆ جه‌نگاوه‌ریی له‌ وڵاتانی تر له‌ شاره‌ گه‌وره‌کانی سویدا به‌رده‌وامه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".