سوێد له‌ بواری خانه‌ی بنگه‌ییدا ناوی ناوه‌ته‌وه‌

لێوه‌کۆڵی سوێدی له‌ بواری توێژینه‌وه‌ی خانه‌ بنگه‌ییه‌کاندا داویه‌ته‌ پێش و دیتۆکه‌ نوێیه‌کیان دیاری خستووه‌ که‌ چۆن و بۆچی خانه‌ پێنه‌گه‌ییوه‌کان خانه‌ی وایان لێ پێک دێت که‌ ئینسولین به‌رهه‌م ده‌هێنن. ئه‌مه‌ به‌ لای هێنریک سێمبی پرۆفیسۆره‌وه‌ که‌ ڕابه‌رایه‌تیی گرۆی لێوه‌کۆڵه‌که‌ له‌ لوند ده‌کات،  ئه‌نجامێکی وای لێوه‌کۆڵینه‌ که‌ له‌ ئاستی توێژینه‌وه‌ی جیهانیدایه‌.

به‌پێی سێمبی پرۆفیسۆر ئه‌م دیتۆکه‌یه‌ هه‌ر بۆ ئه‌وه‌ گرنگی نییه‌ که‌ شه‌کره‌دارانیان پێ چاره‌ ده‌کرێت، به‌ڵکه‌ ئه‌و په‌ره‌سه‌ندنه‌ی که‌ لێوکۆڵه‌کانی باسی ده‌که‌ن، له‌ گه‌لێک ئه‌ندامی له‌شدا ڕوو ده‌ده‌ن و له‌وێوه‌ ئه‌و زانیارییانه‌ فه‌راهه‌م ده‌بن که‌ کلیلی ئه‌وه‌ به‌ ده‌سته‌وه‌ ده‌ده‌ن که‌ چۆن ڕێی خانه‌ بنگه‌ییه‌کان وا دیاری بکرێت که‌ بۆ نموونه‌ خانه‌ی ئینسولین به‌رهه‌مهێنیان لێ پێک بێت.

هێنریک سێمبی پرۆفیسۆر ده‌یشڵێت له‌ میانی ده‌ساڵێکدا ئه‌م دیتۆکه‌یه‌ بۆ نه‌خۆش به‌ کار ده‌هێنرێت و به‌ گرنگی ده‌گرێت لێوکۆڵی بنه‌مادۆز و لێوکۆڵی ساڕێژگه‌کان پێکه‌وه‌ کار بکه‌ن و ئه‌م کاره‌ی خۆیشیانی به‌ لاوه‌ جۆرێکی نوێی کارکردنه‌ که‌ له‌مه‌وبه‌ر ڕووی نه‌داوه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".