Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ڕێککه‌وتنێک که‌ ڤاتتێنفال مایه‌پووچ ده‌کات

بڵاو کرایه‌وه‌ fredag 13 november 2009 kl 14.58

کۆمپانیای ڤاتتێنفالی ده‌وڵه‌ت ـ لارش یوسیفسۆن ـ ڕێککه‌وتنێکی مۆر کردووه‌ که‌ قه‌ره‌بوویه‌کی بێسوونه‌ری ده‌که‌وێته‌ سه‌ر ئه‌گه‌ر کاره‌ساتێکی وزه‌ی ئه‌تۆم له‌ ئه‌ڵمانیا بکه‌وێته‌وه‌. یوسێفسۆن به‌ ڕادیۆی هه‌واڵه‌کانی ڕاگه‌یاندووه که‌ باس باسی ئه‌و نه‌بووه‌ به‌ حوکوومه‌تی ڕابگه‌یه‌نێت

سه‌رۆکی گشتیی ڤاتتێنفال ـ لارش گێ یوسێفسۆن ـ له‌ مارسی ڕابردوودا ڕێککه‌وتنێکی له‌گه‌ڵ کۆمپانیایه‌کی سه‌ر به‌وه‌ی ئێره‌ی له‌ ئه‌ڵمانیا مۆر کردووه‌، که‌ به‌و پێیه‌ ڤاتتێنفالی ئێره‌ ناچار ده‌بێت قه‌ره‌بووی هه‌موو زیانێک بکاته‌وه‌ ئه‌گه‌ر ڕووداوی ترسناک له‌ کۆمپانیا وزه‌ی ئه‌تۆم به‌رهه‌مهێنه‌که‌ی ئه‌ڵمانیادا بکه‌وێته‌وه‌ که‌ ڤاتتێنفالی کۆکۆمپانیا خاوه‌نیه‌تی.

ئه‌م قه‌ره‌بووه‌ ـ نه‌کا ڕووداوی وا پێش بێت ـ ئه‌وه‌نده‌ زۆر ده‌بێت که‌ دوور نییه‌ کۆمپانیاکه‌ نابووت بکات. ئه‌م ڕێککه‌وتنه‌ له‌ ئه‌ڵمانیا مۆر کراوه‌ بێ ئه‌وه‌ی یوسێفسۆن به‌ خاوه‌نی کۆمپانیاکه‌ی ڕابگه‌یه‌نێت که‌ ده‌وڵه‌تی سوێده‌ و وه‌زیری پیشه‌سازی و بازرگانیی سوێد مۆد ئولۆفسۆن ده‌ڵێت که‌ حوکوومه‌ت پرسیاری ده‌رباره‌ی زانیاریی له‌مه‌ڕ ڕێککه‌وتنه‌که‌ی لێ کردن، ئه‌وجا پێی ڕاگه‌یه‌نرا که‌ کاری وا کراوه‌.

یوسێفسۆنیش ده‌ڵێت ده‌سته‌ی به‌ڕێوه‌به‌ری ڤاتتێنفال ده‌ستی به‌ کارێک کردووه‌ که‌ چاوه‌ڕێ ده‌کرێت ڕێککه‌وتننامه‌یه‌کی نوێی له‌و باره‌وه‌ مۆر بکرێت و به‌و پێیه‌ ئیتر کۆمپانیاکه‌ی سوێد ناچار نه‌بێت قه‌ره‌بووی کاره‌ساتێکی وا بکاته‌وه‌ که‌ له‌ ئه‌ڵمانیا سه‌ر هه‌ڵبدات. ئه‌مه‌ لارش یوسیفسۆن ده‌یڵێت

به‌م هۆیه‌ و هۆی تره‌وه‌ نوێنه‌رانی ـ یه‌کیه‌تیی سه‌ندیکای سێکۆ که‌ ئه‌ندامی ده‌سته‌ی به‌ڕیوه‌به‌رایه‌تیی ڤاتتێنفاله‌ ـ ده‌ست له‌ کار ده‌کێشنه‌وه چونکه‌ باوه‌ڕیان به‌ سه‌رۆکی گشتیی کۆمپانیاکه‌ نه‌ماوه‌. یان روودێن ده‌ڵێت که‌ سه‌رۆکی سێکۆیه‌:‌

روودێن ئه‌م خۆکێشانه‌وه‌یان به‌ ناڕه‌زایی داده‌نێت و ده‌ڵێت ئێمه‌ ئه‌م کاره‌ ده‌که‌ین بۆ ئه‌وی به‌ڕیوه‌به‌رایه‌تییه‌که‌ی چۆڵ به‌رچاو بکه‌وێت و درێژه‌ی پی ده‌ده‌ین تا سه‌رۆکێکی تری گشتیی بۆ کۆمپانیاکه‌ دیاری ده‌کرێت.

به‌ره‌ی به‌رهه‌ڵستکاری حوکوومه‌ت ده‌یه‌وێت سه‌رۆکه‌ گشتییه‌که‌ی ڤاتتێنافال له‌ کار لا بدرێت، به‌ڵام وه‌زیری پیشه‌سازی و بازرگانی مۆد ئولۆفسۆن نایه‌ێ هیچێکی فه‌رمی له‌ باره‌یه‌وه‌ بڵێت، به‌ڵام ئه‌مڕۆ ناڕه‌زایی خۆی سه‌رله‌نوێ لی دربڕی   ‌

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".