Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

سه‌ربازه‌ سویدییه‌کانی ئه‌فگانستان خزمه‌تگوزاریی پێویستیان بۆ دابین نه‌کراوه‌

که‌م و کورتیی له‌و خزمه‌تگوزارییه‌ ته‌ندروستییانه‌دا هه‌یه‌ که‌ هێزه‌ چه‌کداره‌کانی سوید له‌ ئه‌فگانستان و له‌کاتی برینداربوونی سه‌ربازه‌کاندا پێویستیان ده‌بێت، بۆ نموونه‌ پزیشکی نه‌شته‌رگه‌ری.

ئه‌و که‌م و کورتییانه‌ مانای ئه‌وه‌یه‌ که‌ له‌ مه‌یدانی جه‌نگدا ئه‌و پێویستیی و کارامه‌ییانه‌ له‌به‌رده‌ستدا نین که‌ ده‌بوا هه‌بن بۆ نموونه‌ پزیشکی نه‌شته‌رگه‌ریی و پزیشکی به‌نجکارمان نییه‌، سه‌رۆکی پزیشکانی سوید له‌ ئه‌فگانسان توماس ئارڤیدسۆن ئه‌م که‌م و کورتییانه‌ به‌ خه‌ته‌رناک ده‌بینێت

هه‌فته‌ی ڕابوردوبوو پینج سه‌ربازی سویدی له‌ ئه‌فگانستان له‌ ئه‌نجامی لێخوڕینیان به‌سه‌ر مینێکدا برینداربوون و ئه‌و وه‌رگێڕی زمانه‌ی له‌گه‌ڵیاندا کاری ده‌کرد گیانی له‌ده‌ستدا.  له‌گه‌ڵ ئه‌م ڕووداوه‌دا ڕووی ڕه‌خنه‌ کراوه‌ته‌ ئاماده‌گیی و خزمه‌تگوزارییه‌  ته‌ندروستییه‌کانی سوید له‌به‌رده‌م ئه‌م جۆره‌ ڕوداوانه‌دا.

به‌پێی پلانه‌کان ده‌بێت دوو سه‌یاره‌ی خزمه‌تگوزاریی ته‌ند‌روستیی هه‌ریه‌کیان به‌ تیمێکی پێنج که‌سی به‌ چه‌ند کیلۆمه‌ترێک دوور له‌ هێزه‌سه‌ربازییه‌ گه‌ڕۆکه‌کان بسوڕێنه‌وه‌، به‌ڵام له‌ ڕاستیدا ته‌نها یه‌ک تیمی واهه‌یه‌  و پزیشکی نه‌شته‌رگه‌ریی و به‌نجیی نوقسانه‌. ئه‌م زانیاریانه‌ له‌ ڕاپۆرتی ده‌ستگه‌ی تایبه‌ت به‌ پشکنینی ده‌ستگه‌کانی سه‌ر به‌ وه‌زاره‌تی هێزی به‌رگریدا هاتووه‌.

- ئێمه‌ ناتوانین گه‌ره‌نتی پێداویستییه‌کان له‌سه‌دا سه‌د بکه‌ین، به‌ڕیوه‌به‌ری چآلاکی  سه‌ربه‌ هێزی به‌رگری ئه‌نده‌رش لیندستریۆم ده‌ڵێت ئه‌رکی گونجاندنی پێداویستییه‌کان له‌گه‌ڵ ئه‌و توانایا‌نه‌ی له‌به‌رده‌ست دان ده‌که‌وێته‌ ئه‌ستۆی ئه‌و به‌رپرسه‌ی له‌ مه‌یدانه‌که‌دایه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".