پارتی گه‌لی لیبراڵ ڕاستڕه‌وتر ده‌بنه‌وه‌

پرسی خوێندنگا و هاوگونجیی تا ئێستا دوو ته‌وه‌ری سه‌ره‌کیی سیاسه‌تی پارتی گه‌لی لیبراڵ، فۆلکپارتییه‌ت، بوون،  به‌ڵام له‌ دوێنێوه‌ و له‌گه‌ڵ ده‌ستپێکردنی کۆنگره‌ی ساڵانه‌ی ئه‌و پارتیه‌دا ڕێچکه‌ی سیاسییان ڕوو له‌ هێنانه‌ کایه‌ی بازاڕێکی لیبراڵه‌ که‌ ڕه‌وتی سیاسییان ڕاستڕه‌وتر ده‌کاته‌وه‌.  ئه‌مه‌ له‌کاتێکدایه‌ که‌ هه‌ندێک له‌ ئه‌ندامانی ئه‌و پارتییه‌ پێیان وایه‌ میراتی سیاسه‌تی سۆسیاللیبرالانه‌ی ئه‌و پارتییه‌ ده‌بێت بپارێزرێت، یه‌کیک له‌و ده‌نگانه‌ ئه‌ندامی سه‌رکردایه‌تی،‌ بیرگیتا ئۆلسۆنه‌.

- من پێم وایه‌ ده‌بێت سیاسه‌تی سۆسیاللیبرالانه‌ی خۆمان بپارێزین، چونکه‌ ئه‌و سیاسه‌ته‌یه‌ که‌ پارتیی گه‌لی لیبرال له‌ وانی تر جیا ده‌کاته‌وه‌ و بۆته‌ پێناسه‌مان. به‌و پێیه‌ برگیتا ئولسۆن ده‌ڵێت په‌یاممان ئازادی و یه‌کسانییه‌، دروشمیشمان بریتی بووه‌ له‌ به‌رپرسێتی کۆمه‌ڵایه‌تی به‌بێ سۆسیالیزم، ئازادی به‌بێ خۆپه‌رستیی، ئا ئه‌م دروشمه‌ ئۆلسۆن ده‌ڵێت به‌ڕای من گرنگه‌ له‌ سیاسه‌تماندا بمێنێته‌وه‌.

له‌و پرسانه‌ی له‌ گۆنگره‌ی پارتی گه‌لی لیبرالدا  ته‌وه‌ری سه‌ره‌کیین، پرسی یاسای تایبه‌ت به‌ مافی دامه‌زراندنی کاره‌ واتا یاسای ناسراو به‌ لاس، که‌ به‌وپێیه‌ چه‌ند خزمه‌تت زۆرتر بێت هێنده‌ مافه‌کانت پارێزراوتر ده‌بێت، پارتی گه‌لی لیبرال پیشنیازی گۆڕینی به‌شێوه‌یه‌ک ده‌که‌ن که‌ هه‌موو کات و که‌سێک ئه‌م یاسایه‌ی له‌سه‌ر نه‌بێته‌ مه‌رج. پرسێکی تر که‌مکردنه‌وه‌ی باجی کارگه‌کان و نه‌هێشتنی باجی زیاده‌ی سه‌ر مووچه‌ به‌رزه‌کانه‌.

ئه‌م پرسانه‌ ڕاسته‌ڕه‌ویی پارتی گه‌لی لیبراڵ و هاوشێوه‌یان پارتی سێنته‌ر له‌به‌ره‌ی بۆرژوا ڕوونتر ده‌کاته‌وه‌، ئه‌مه‌ له‌کاتێکدایه‌ که‌ مۆدێراته‌کان و به‌تایبه‌ت له‌و پرسانه‌دا ڕێچکه‌ی سیاسه‌تی مامناوه‌ندیانه‌یان گرتۆته‌ به‌ر. 

جێێ باسه‌   فێربوونی زمانی سویدی تا ئێستا وه‌ک مه‌رجێک بۆ بونه‌ هاوڵاتی سویدی له‌ سیاسه‌تی هاوگونجی ئه‌م پارته‌دا بووه‌، له‌م کۆنگره‌یه‌شدا پیشنیازی کۆرشێک ده‌کرێت که‌ به‌و‌ پێیه‌ ئه‌وه‌ی کۆچ دێنێته‌ سوید، ده‌بێت له‌ سه‌ره‌تاوه‌ به‌شداری له‌ کۆرشی به‌ هاوڵاتی بووندا بکات که‌ به‌ کۆمه‌ڵگه‌ی سوید و یاساکانی هه‌روه‌ها ئه‌رک و مافه‌کانی له‌م  وڵاته‌دا ده‌ناسێنرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista