یه‌کیه‌تیی ئه‌ورووپا کۆمه‌کی وڵاتانی هه‌ژار بۆ پاراستی که‌ش ده‌که‌ن

یه‌کیه‌تیی ئه‌ورووپا ئه‌مڕۆ گه‌شتنه‌ ڕێککه‌وتنێک که‌ به‌و پێیه‌ شه‌ش ملیارد یورو بۆ کارڕایی خێرا بۆ به‌رگرتن له‌ پیس بوونی که‌ش ته‌رخان ده‌کرێت. بڕیار وایه‌ ئه‌و بڕه‌ پاره‌یه‌ له‌ماوه‌ی سێ ساڵدا بۆ یارمه‌تیدانی وڵاته‌ هه‌ژاره‌کانی دونیا دا بنرێت تا له‌ به‌رنامه‌یه‌کی خێرادا کارڕاییه‌کانیان سه‌باره‌ت پیسبوونی که‌ش بخه‌نه‌ گه‌ڕ. ئه‌م بڕیاره‌ له‌ کۆنگره‌یه‌کی ڕۆژنامه‌وانی پلان بۆ دانه‌نراودا له‌لایه‌ن سه‌ره‌ک وه‌زیرانی به‌ریتانیا گۆردۆن براون و سه‌رۆکی فه‌ره‌نسا نیکۆلاس سارکۆزی ڕاگه‌یه‌نرا.

هه‌ردوو براون و سارکۆزی هه‌روه‌ها ڕایانگه‌یاند که‌ وڵاته‌که‌یان به‌ 17 ملیارد کرۆن له‌ ماوه‌ی ساڵانی 2010 بۆ 2012 پشتگیری له‌ کارڕاییه‌کانی تایبه‌ت به‌ پرسی ژینگه‌ ده‌که‌ن. له‌لایه‌ن سویدیشه‌وه‌ 750 ملیۆن یوروو ته‌رخان ده‌کرێت، پاره‌یه‌ک که‌ له‌ چاو قه‌باره‌ی سویددا پشتگیرییه‌کی دارایی ئێجگار گه‌وره‌یه‌.

جێی وه‌بیر هێنانه‌وه‌یه‌ ئه‌م ڕێککه‌وتنه‌ له‌ دووتوێی کۆنفرانسی پانزه‌هه‌می ڕێکخراوی نه‌ته‌وه‌ یه‌کگرتووه‌کاندا تایبه‌ت به‌ پرسی که‌ش دێت که‌ له‌ حه‌وتی ئه‌م مانگه‌وه‌ له‌ پایته‌ختی دانمارک کۆبه‌نهاگه‌ن ده‌ستی پێکردوه‌ و یه‌کێک له‌ ئامانجه‌کانی گه‌شتنه‌ ڕێکه‌وتێکه‌ که‌ ئاستی ده‌رچه‌ ژینگه‌ شێوێنه‌کان به‌ شێوه‌یه‌کی گونجاو که‌م بکرێنه‌وه‌.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista