نیگار ئیبراهیم، هاووڵاتیی نموونه‌یی‌ شاری یۆتۆبۆری 2009

یاساناس و دامه‌زرێنه‌ری ڕێکخراوی پاڵه‌وانانی شه‌ره‌ف، شه‌ره‌ف یالتار، له‌ یۆتۆبۆری  نیگار ئیبراهیم خه‌ڵاتی نموونه‌ی یۆتۆبۆری ساڵی پێ به‌خشرا، ئه‌م خه‌ڵاته‌ له‌لایه‌ن که‌ناڵی ڕادیۆی سوید ، پێ فیرا، و ڕۆژنامه‌ی یۆتۆبۆری پۆسته‌ن، ‌وه‌ دابه‌ش ده‌کرێت. کاره‌کانی نیگار ئیبراهیم بۆ پرسی هاوگونجی و وه‌ستانه‌وه‌ به‌ڕووی‌ توندوتیژی دژ به‌ ژنان هۆکاری هه‌ڵبژاردنی بوون بۆ ئه‌م خه‌ڵاته‌.

له‌ هۆکاری ده‌سته‌ی دادوه‌ریی ئه‌و خه‌ڵاته‌دا هاتووه‌، (نیگار ئیبراهیم کار بۆ نموونه‌ی یۆتۆبۆری داهاتوو ده‌کات، تا یۆتۆبۆری ببێته‌ شارێکی ئاوێته‌ی وا که‌ هاوڵاتیانی ڕێز له‌یه‌ک بگرن. نیگار ئیبراهیم یارمه‌تیی زۆر که‌سی داوه‌  تا ڕێچکه‌ی خۆیان له‌ ژیانی ڕۆژانه‌یاندا بدۆزنه‌وه‌، زۆربه‌شیان له‌و پاڵه‌وانانه‌ن که‌ په‌یامی ڕێزلێکگرتن، یه‌کسانی ژن و پیاو و خۆشه‌ویستی  بڵاوده‌که‌نه‌وه‌، نیگار ئیبراهیم ڕۆڵێکی گرنگی هه‌یه‌ له‌ باشترکردنی شارێکی باش هه‌ربۆیه‌ ئه‌و ده‌بێته‌‌ نوێنه‌ری یۆتۆبۆری و شایه‌نی خه‌ڵاتی نموونی یۆتۆبۆری ساڵی 2009)ه.

زایه‌ڵه‌ له‌ ڕێی ته‌له‌فۆنه‌وه‌ نیگار ئیبراهیمی دواند که‌ ئاماژه‌ی به‌ گرنگی وه‌رگرتنی ئه‌و خه‌ڵاته‌ هه‌روه‌ها باسی له‌و کارانه‌ کرد که‌ شایسته‌ی ئه‌م خه‌ڵاته‌ی کردووه‌. بۆ گوێگرتن له‌و وتووێژه‌ گوێ له‌به‌رنامه‌ی ئه‌مڕۆ بگرن! 2009-12-16  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista