کۆمه‌کی یه‌کیه‌تیی ئه‌ورووپا که‌ڵکی نه‌بووه‌

ئه‌و 75 میلیار کرۆنه‌ی که‌ یه‌کیه‌تیی ئه‌ورووپا به‌و مه‌به‌سته‌وه‌ بۆ تو‌رکیای ته‌رخان کردووه‌، که‌ به‌ ئاستی وڵاتانی یه‌کیه‌تییه‌که‌ بگات و له‌وێوه‌ ئاماده‌ی چوونه‌ ڕیزی وڵاتانییه‌وه‌ بێت، کاریگه‌ریی نه‌نا‌وه‌ته‌وه‌ و ئاشکرا بووه‌ که‌ ئه‌و کۆمه‌که‌ کورتی هێناوه‌ و به‌ زۆرێکی ئه‌و خه‌ڵکه‌ ناگات که‌ پێویستێکی ته‌واویان پێیه‌تی، بۆ نموونه‌ کورد و ئاسوورییه‌کانی ڕۆژهه‌ڵاتی باشووری تورکیا.

په‌یامنێری ڕادیۆی هه‌واڵه‌کان ـ ئێکۆت ـ که‌ ڕوونکردنه‌وه‌ی ئه‌م مه‌به‌سته‌ له‌ ڕۆژهه‌ڵاتی باشووری تورکیا بووه‌، چاوی به‌ شه‌ریفه‌ ئالپ که‌وتووه‌. شه‌ریفه‌ ئالپ کۆمه‌ڵه‌یه‌کی ژنان به ‌ڕێوه ‌ده‌بات، که‌ پێویستێکی زۆری به‌ کۆمه‌که‌که‌ی یه‌کیه‌تیی ئه‌رووپایه‌، به‌ڵام هه‌رچه‌ندی که‌نیوه‌ و کڕاندووه، هیچیکی ئه‌و پاره‌یه‌ی بۆ هه‌موارکردنی کاری کۆۆمه‌ڵه‌که‌ی ده‌ست نه‌که‌وتووه‌‌، ئه‌گه‌رچی هێشتا گه‌لێک وه‌ک فره‌ژنی و کێشه‌ی دیکه‌ی کۆمه‌ڵایه‌تی‌ له‌و ناوچه‌یه‌دا زاڵه‌ ئه‌و کاری لێ ده‌کات.

شه‌ریفه‌ ئالپ سه‌رۆکی کۆمه‌ڵه‌ی ژنانی کزڵته‌په‌یه‌. کۆمه‌ڵه‌که‌یش بێجگه‌ له‌وه‌ی که‌‌ خانه‌ی نهێنی به‌ ڕێوه‌ ده‌بات، بژیوی گه‌لێک ژنی سته‌مدیته‌ی ئه‌و هه‌رێمه‌ دابین ده‌کات. بێجگه‌ له‌مه‌یش له‌سه‌ر شه‌قامه‌کانی لاشاره‌کانی تورکیا منداڵ پێلاو بۆیاخ ده‌که‌ن و ڕۆژنامه‌، ئاو ده‌فرۆشن و ده‌یان کاری تریان پێ ده‌که‌ن، به‌ڵام بۆ خوێندن‌ ناچن. ئه‌مه‌یش دیارده‌یه‌که‌ هیچی به‌سه‌ر ئه‌و پێودانگه‌و نییه‌ که‌ یه‌کیه‌تیی ئه‌ورووپا بۆ ولاته‌ ئه‌ندامه‌کانی به‌ مه‌رجی داناوه‌ و ئه‌سکه‌نده‌ر دێباسسۆیش ‌که‌ کۆمه‌ڵناسه‌ و له‌ ئیۆرێبرووی سوێده‌وه‌ بۆ کۆنه‌شاره‌که‌ی خۆی ـ بۆ مێدیات ـ بۆیه‌ گه‌ڕاوه‌ته‌وه، کۆمه‌ڵگه‌که‌ی دامه‌زرێنیته‌وه‌، ئه‌مه‌ ده‌سه‌لمێنێت

له‌م وڵاته‌دا یه‌کسانیی بوارێکه ـ بۆ ئه‌وه‌ی تورکیای لێیدا به‌ ئاستی وڵاتانی یه‌کیه‌تیی ئه‌ورووپادا بگات ـ کاری یه‌کجار خاویلکه‌ی لێ ئه‌نجام ده‌درێت. ئه‌و هه‌موو میلیارد کرۆنه‌ی یه‌کیه‌تیی ئه‌ورووپا که‌ بۆ پێشکه‌وتنی تورکیا ته‌رخان کراوه‌، به‌پێی که‌سێکی سه‌ر به‌ حوکوومه‌تی تورکیا که‌ نایه‌وێ ده‌نگی بناسرێته‌وه‌، به‌ که‌ڵکی هه‌ژاره‌کان ته‌واو نابێت و ئه‌و که‌سه‌ ده‌ڵێت پاره‌که‌ تورکیای له‌ یه‌کیه‌تیی ئه‌ورووپا نزیک نه‌کردووه‌ته‌و.

به‌شێکی به‌رچاوی ئه‌و پاره‌یه‌ که‌ بۆ پێشخستنی گوند و شاره‌دێیه‌کان ته‌رخان کراوه‌، به‌سه‌ر ئه‌و گوند و شارانه‌دا ده‌به‌شرێنرێته‌وه‌ که‌ لایه‌نگری پارتیی ئا که‌ په‌ی ده‌سته‌ڵاتدارن، به‌ڵام له‌و کۆمه‌ڵه‌ و  ڕێکخراوانه‌ گیراوه‌ته‌وه‌ که‌ بۆ نموونه‌ له‌ دیاربه‌کر و هه‌ککاریدا هه‌ن و دیاره‌ خه‌ڵکی ئه‌و شارانه‌یش لایه‌نگری پارتییه‌ به‌رهه‌ڵستکاره‌کانی حوکوومه‌تن. لێڤێنت کوێرکورتی سه‌ر به‌ کۆمه‌ڵه‌یه‌کی وا ده‌ڵێت جوداکاری له‌ هه‌موو توکیادا ڕه‌چاو ده‌کرێت و ئه‌مه‌یش کارێکه‌ قسه‌ هه‌ڵناگرێت... به‌شی ئاسووری و کوردی تورکیا خوراوه‌.

ئه‌ڤین چه‌تینی سۆسیالدێمۆکراتی سوێد‌ که‌ هه‌م کورده‌ و هه‌م ئاسووری، ئه‌م نابه‌کارییه‌ی تورکا تووڕه‌ی کردووه‌ ده‌ڵێت تورکیا پێویستی زۆری به‌ پێشکه‌وتنه‌.‌ ڕووداوه‌ سیاسه‌ییه‌کانی ئه‌م چه‌ند مانگه‌ی دواییه‌ش ئه‌مه ڕاستییه‌ ده‌سه‌لمێن. منداڵ و ژن و هه‌ژارانی گوند و شاره‌دێیه‌کان پێویستیان به‌و پاره‌یه‌ی یه‌کیه‌تیی ئه‌ورووپایه‌، تا تورکیا به‌ پێودانی پێویست بگات و و یه‌کیه‌تیی ئه‌ورووپا په‌سه‌ندی بکات و تورکایش هێشت ا به‌و ئاسته‌ نه‌گه‌ییشتووه‌.

یه‌که‌یتیی ئه‌ورووپا مه‌رجی گرانی بۆ تورکیا دانه‌ناوه‌ ئه‌مه‌یش به‌ لای ئه‌ڤین چه‌تینه‌وه‌ مایه‌ی خه‌مه‌ و به‌ کارێکی ده‌زانێت که ‌هیوای تورک و کورد و ژن و منداڵانی تورکیا ده‌بڕێت و ده‌ڵێت ئه‌گه‌ر تورکیا مافه‌ بنه‌ڕه‌تییه‌کانی مرۆڤی په‌سه‌ند بکردایه‌ ـ واته‌ مافی ئه‌وه‌ی که‌ مرۆڤ به‌ زمانی خۆی قسه‌ بکات ـ مه‌به‌ستی ئه‌ڤین چه‌تین ئه‌وه‌یه‌ که‌ تا ئه‌م دواییه‌ له‌ کورد قه‌ده‌خه‌ کراوه‌ ـ  ڕێگه‌یش بدات که‌سێک که‌ خه‌ڵک ده‌نگی پێ ده‌دات به‌ درێژایی ئه‌و ماوه‌یه‌ کاری خۆی ئه‌نجام بدات که‌ بۆی دیاری کراوه‌ ـ  ئه‌ڤین چه‌تین لائاماژه‌ به‌ پارتیی ده‌ته‌په‌ ده‌دات‌ که‌ له‌م دواییه‌ قه‌ده‌خه‌ کرا ـ  و ده‌ڵیت ئه‌مانه‌ مه‌رجی سه‌یر نین  و ده‌بوو یه‌کیه‌تیی ئه‌رووپا بۆ تورکیایان دابنێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".