یاسای سوێد بڕ ناکات

یاساسازییه‌که‌ی سوێد هێشتا نه‌گه‌ییشتووه‌ته‌ بارێک تاوانباری وای پێ سزا بدرێت که‌ ده‌ستی له‌ کۆکوژی و قڕکردنی نه‌ته‌وه‌دا هه‌بووه‌، ئه‌مه‌ (مارک کلامبێری) ده‌یڵێت که‌ له‌ زانستگه‌ی ستۆکهۆلمدا دکتۆری مافی نه‌ته‌وه‌کانه. ئه‌و کابرا 43 ساڵه‌‌ بۆسنی هێرزێگۆڤینییه‌ی که‌ دوێنێ له‌ باکووری سوێددا گیرا، گومان ده‌کرێت کۆکژیی دژ به‌ سربه‌کانی بۆسنه‌ ئه‌نجام دابێت. دادگه‌ییکردنی ـ به‌ مه‌به‌ستی به‌ندکردنی تا لێکۆڵینه‌وه‌ی پۆلیس کۆتایی دێت ـ پێ ده‌چێت سبه‌ی له‌ دادگه‌ی سه‌ره‌تایی ستۆکهۆڵمدا پێش بێت. ئه‌م کابرایه‌ ڕه‌نگه‌ یه‌که‌م که‌س بێت که‌ به‌و تاوانه‌ له‌ سوێد تۆمه‌تبار ده‌کرێت، به‌ڵام گه‌لێک یاساناس ترسی ئه‌وه‌یانه‌ که‌ کێشه‌ بۆ دادگه‌ییکردنه‌که‌ی له‌ سوێد ساز ببێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".