سێیه‌کی پێکوته‌ی ئینفێلوه‌نزای به‌راز به‌ کار هێنراوه‌

تاکوو ئێستا سێیه‌کی هه‌ژده‌ میلیۆن پێکوته‌‌ی دژ به‌ ئینفێلوه‌نزای به‌راز، که‌ سوێد به‌ ڕادانی داون،  به‌ کار هێنراون. بڕیار وایه‌ ڕێکخراوی ته‌ندروستیی جیهان که‌ سه‌ر به‌ ڕێکخراوی نه‌ته‌وه‌ یه‌کگرتووه‌کانه‌ ـ دوای ڕه‌خنه‌یه‌کی زۆر که‌ به‌گژیدا کراوه‌ ـ ‌ بڕیاری داوه‌ لێکۆڵینه‌وه‌یه‌ک ده‌ست پێ بکات  له‌ ڕێیه‌وه‌ بۆی ده‌ر بکه‌وێت که‌ ئه‌گه‌ر زێده‌ڕۆیی له‌ مه‌ترسیی بڵاوبوونه‌وه‌ی په‌تاکه‌دا کراوه‌.

ئه‌و ترسه‌ی له‌ ئاست ته‌شه‌نه‌کردنی ئه‌م ئینفێلوه‌نزایه‌دا نرایه‌وه‌ ئه‌نجوومه‌نی ئه‌ورووپای برده‌ سه‌ر بارێک له‌‌ کۆمپانیا ده‌رمانسازه‌کان بکۆڵێته‌وه‌ نه‌کا به‌رپرسه‌ ده‌وڵه‌تییه‌کانیان بردبێته‌ سه‌ر بارێک پاره‌ی زیاد له‌ پێویست بۆ کڕینی پێکوته و ئه‌مبارکردنی ته‌رخان بکه‌ن. له‌م دواییه‌دا گه‌لێک وڵات داوای خۆیان بۆ دابینکردنی پێکوته‌ی دژ به‌م په‌تایه  یان کێشاوه‌ته‌وه‌ یان که‌م کردووه‌ته‌وه و، بۆیه‌ ده‌ستگه‌ پێوه‌ندیداره‌ سوێدییه‌کان له‌گه‌ڵ پێکوته‌سازه‌کاندا که‌وتوونه‌ته‌ باسی ئه‌وه‌ی ڕێکه‌وتنه‌که‌ی نێوانیان بگۆڕن. ئاندێرش تێگنێێل که‌ له‌ ئه‌نجوومه‌نی کاروباری کۆمه‌ڵایه‌تیدا سه‌رۆکی یه‌که‌ی به‌رگرتنی په‌تایه‌ ده‌ڵێت ده‌مانه‌وێت له‌و هه‌موو پێکوته‌ زیاده‌ ڕزگارمان بیت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".