سکاڵای دژ به‌ جوداکاری زیادی کردووه‌

ساڵی پار نوێنه‌ری گه‌ل بۆ به‌ره‌نگاربوونه‌وی جوداکاری 2 هه‌زار و 537 سکاڵای ده‌رباره‌ی تۆمه‌تی جوداکاریی پێ گه‌یشت، که‌  900 سکاڵایان ـ به‌ نموونه‌ ـ له‌باره‌ی جوداکاری له‌ بواری کارکردندا بوون.  ساڵی پیرار هه‌رچوار نوێنه‌رانی گه‌ل دژ به‌م پرسه‌ 2 هه‌زار 97 ـی سکاڵای وایان پێ ڕاگه‌یه‌نرا. که‌ ژماره‌ی سکاڵای تایبه‌ت به‌ پرسی وا زیادی کردووه‌، شتێکه‌ کاترین لیننه‌ ساڵی پار ئاماژه‌ی پی داوه‌ و هویه‌که‌ی له‌لایه‌که‌وه‌ بۆ گۆڕینی یاسای جوداکاری گێڕاوه‌ته‌وه‌ که‌ له‌ یه‌کی ساڵی پاره‌وه‌ ئه‌نجام درا و بۆ نموونه‌ ته‌مه‌ن به‌ بنه‌مایه‌کی نوێی جوداکاری دانرا، له‌لایه‌کی تره‌وه‌ خه‌ڵکێکی زۆر ئیتر مافه‌کانی خۆیان زانیوه‌.

نوێنه‌ری گه‌ل بۆ به‌ره‌نگاربوونه‌وه‌ی جوداکاری جه‌ختی ده‌کات که‌ ژنان به‌تایبه‌ت له‌ بواری کارکردندا ئه‌م جۆره‌ مامه‌ڵه‌ جوداکارییه‌یان پێش دێت. ساڵی پار 177 کاڵای تایبه‌ت به‌ جوداکاری به‌ هۆی زایه‌نده‌وه‌ له‌ بازاڕێ کاردا به‌ نوێنه‌ری گه‌ل له‌م بواره‌دا درا، که‌ شتێکه‌ له‌ بازاڕی کاردا به‌راورد به‌ ساڵی پێرار زیادی کردووه‌. یه‌کێکی ئه‌وانه‌ی که‌ سکاڵای دژ به‌ خاوه‌نکاره‌که‌ی خۆی به‌م هۆیه‌وه‌ به‌ لایه‌نی به‌رپرس داوه ئێریکا روثه‌ که‌ یاریده‌ده‌ری که‌سی سستئه‌ندامه‌ و ئێستا بۆ چاودێریکردنی کۆرپه‌که‌ی پشووی دایکانه‌ی سه‌ندووه‌. ئێرکا ده‌ڵێت خاوه‌نکاره‌که‌ی ته‌له‌فۆنی بۆ کردووه‌ و پێی ڕاگه‌یاندووه‌ که‌ ئه‌و که‌سه‌ی له جێی ئه‌م دانراوه‌، له‌جیاتی ئه‌م له‌سه‌ر کاره‌که‌ دامه‌زرێنراوه‌ و ئیتر جێی ئه‌م نه‌ماوه‌‌

نوێنه‌ری گه‌ل بۆ به‌ره‌نگاربوونه‌وه‌ی جوداکاری له‌و باوه‌ڕه‌دایه‌ که‌ هه‌ر خاوه‌نکار نییه‌ به‌رپرسی ژنی دووگیانه‌، به‌ڵکه‌ ده‌بێت سه‌ندیکایش کار بۆ به‌رگرتنی کاری وا بکات و ئه‌م پرسه‌ بخاته‌ نێو ڕێککه‌وتنی‌ گشتگره‌وه، که‌ به‌و پێیه‌ خه‌ڵک له‌سه‌ر کار داده‌مه‌زرێن و مافی که‌سی وای پی ده‌پارێزرێت.

له‌ ڕاپۆرته‌که‌دا باسی بارودۆخی ڕۆمه‌کانیش کراوه‌ و به‌پێی لایه‌نه‌ به‌رپرسه‌که ڕۆمه‌کان به‌ده‌م کاته‌وه‌ سکاڵای زیاتریان دژ به‌ جوداکاری ڕاگه‌یاندووه‌ و لێیاندا بازاڕی به‌کرێدانی خانووبه‌ره‌ و جۆری پێشوازیکردنیان له‌لایه‌ن به‌ڕێوه‌به‌رایه‌تیی کاروباری کۆمه‌ڵایه‌تییه‌وه‌ سه‌رلیستی ئه‌و لایه‌نانه‌ن که‌ سکاڵاکانیان له‌ دژدا تۆمار کراوه‌.

له‌مانه‌ به‌لاوه‌ نوێنه‌ری گه‌ل بۆ به‌ره‌نگابوونه‌وه‌ی جوداکاری ساڵی پار 70 سکاڵای وای به‌ شیوه‌ی یاسایی هه‌ڵسووڕاندووه‌ که‌‌ 12 ـیان له‌ بڕیاری‌ زووتری نوێنه‌ری گه‌له‌وه‌ سه‌رچاوه‌یان گرتووه‌ و 35 ـیان به‌ ئاشتبوونه‌وه‌ی لایه‌نه‌کان دوایی هاتووه‌. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".