که‌سانی نه‌شاره‌زا له‌ خانه‌کانی چاودێریی لاواندا کار ده‌که‌ن‌

ئه‌و لاوانه‌ی له‌ خانه‌ی چاودێری ، ڤؤردهێم، ده‌ژین له‌ مافی خوێندنی ئاسایی‌ بێبه‌ش کراون  ‌، له‌ وردبوونه‌وه‌ی ده‌ستگه‌ی پشکنینی خوێندگاکاندا ده‌رکه‌وتووه‌ که‌موکورتییه‌کی زۆر له‌ سه‌رپه‌رشتی ئه‌و خانانه‌دا هه‌ن، نه‌ مامۆستای کارامه‌ کاری تێدا ده‌که‌ن و نه‌ چاره‌سه‌ری کۆمه‌ڵآیه‌تی به‌ پێی پێویست په‌یڕه‌و ده‌کرێت.

کریستۆفه‌ر خۆی له‌ یه‌کێک له‌و خانانه‌دا حه‌وت ساڵ ژیاوه‌ و شایه‌ت‌ حاڵی ئه‌و بارودۆخه‌یه‌. 

- هیچ ئه‌رکێکی خوێندنگامان له‌سه‌ر نه‌بوو، ئه‌گه‌ر کارمه‌ندانی خانه‌ی چاودێری‌ توانایان نه‌بوایه‌ بمان به‌ن بۆ خوێندنگا ئیتر ئه‌و ڕۆژه‌ی خوێندمان له‌ کیس ده‌چوو. که‌ ئه‌شچووین بۆ خوێندگا مامۆستاکه‌ نزیکه‌ی بیست ده‌قه‌یه‌ک ده‌رباره‌ی بابه‌تێک هاواری ئه‌کرد و پاشان ده‌براینه‌وه‌ خانه‌ی چاودێرییه‌که‌.

کریستۆفه‌ر یه‌کێکه‌ له‌و لاوانه‌ی له‌ خانه‌ی چاودێری ،ڤۆردهێم، ژیاوه‌، خانه‌ی چاودێریش بۆ ئه‌و لاوانه‌یه‌ که‌ کێشه‌ی کۆمه‌ڵایه‌تی وه‌ک تاوانکاری، گیرۆده‌یی  یان ئه‌و لاوانه‌ی توشی ده‌ستدرێژی جنسی هاتوون. بۆ یارمه‌تیدانی ئه‌و لاوانه‌ و هێنانه‌وه‌یان بۆ ناو ژیانی ئاسایی کۆمه‌ڵگا به‌شێک له‌ چاره‌سه‌ره‌کان دابینکردنی خوێندنه‌ بۆیان، به‌ڵام له‌ 31 خانه‌ی چاودێری لاوان له‌ سویددا که‌ سه‌رپه‌رشتی 114 لاو ده‌که‌ن ته‌نها یه‌کێکیان هه‌موو ماده‌کانی خوێندیان بۆ لاوان دابین کردبوو، زۆربه‌یان له‌ به‌دواداچوونه‌که‌ی ده‌ستگه‌ی پشکنینی خوێندگاکاندا ،سکۆلئینسپێکخونه‌ن، له‌ ماوه‌ی ساڵی 2009دا مه‌رجه‌کانی خوێندنیان پڕ نه‌کردۆته‌وه‌.

- کاتێک لاوێک ده‌نێردرێته‌ خانه‌یه‌کی چاودێری زیاتر جه‌خت له‌ چاره‌سه‌ری کێشه‌‌ کۆمه‌ڵایه‌تییه‌کان ده‌کرێته‌وه‌ و پرسی خوێندن له‌بیر ده‌کرێت، له‌کاتێکدا خوێندن به‌شێکی گرنگه‌ له‌ پرۆسه‌ی چاره‌سه‌ری ئه‌و لاوانه‌. کۆمۆنه‌کان به‌رپرسن و ئه‌وانن که‌مته‌رخه‌من له‌ هه‌ڵسه‌نگاندنی خانه‌کانی چاودێری لاواندا، ئاخر ئه‌وه‌ ئه‌رکی ئه‌وانه‌ که‌ پێش گواستنه‌وه‌ی لاوێک له‌ خوێندگایه‌کی ئاساییه‌وه‌ بۆ خانه‌یه‌کی چاودێری له‌وه‌ بکۆڵنه‌وه‌ که‌ ئاخۆ له‌و خانه‌یه‌دا ڕه‌وتی خوێندن ئاسایی ده‌ڕوات یان نا. هه‌روه‌ها که‌رتی خزمه‌تگوزارییه‌ کۆمه‌ڵایه‌تییه‌کان ده‌بێت له‌ جاران زیاتر هاوکاریی له‌و بواره‌دا بکه‌ن، به‌ڕای  سه‌رۆکی ده‌ستگه‌ی پشکنینی خوێندگاکان ماریا هه‌لێنێ ئانبۆری.

له‌ به‌دواداچونه‌کانی ده‌ستگه‌ی پشکنینی خوێندنگاکان هاتووه‌ جگه‌ له‌وه‌ی بابه‌ته‌کانی خوێندن هه‌مووی ناخوێنرێن کاتی خوێندنیشیان سنورداره‌، بۆ نموونه‌ زۆربه‌ی فێرخوازه‌کان نزیکه‌ی 5 تا 10 سه‌عات له‌ هه‌فته‌یه‌کدا ده‌خوێنن، به‌ڵام که‌مته‌رخه‌مییه‌کان له‌مانه‌ زیاتره‌. 

- ئه‌وه‌ به‌س بوو یه‌کێک قه‌ڵه‌مێکی به‌ شێوه‌یه‌کی جیاواز‌ دابنایه‌ یان کورسییه‌که‌ی خوار بکاته‌وه‌، یان له‌ په‌نجه‌ره‌که‌وه‌ سه‌یرێکی ده‌ره‌وه‌ بکات، تا مامۆستاکه‌ به‌ سزایه‌کت به‌گه‌ینێت. نینا سێرنۆلد که‌ خۆی وه‌ک مامۆستا له‌ خانه‌ی چاودێری لاواندا کاری کردووه‌ شایه‌تحاڵی هه‌ڵسوکه‌وتی نه‌ شیاوی ئه‌و مامۆستایانه‌یه‌ که‌ کارامه‌یی و ئه‌زموونی پێویستیان له‌ بواری فێرکاریدا نییه‌. نینا سێرنۆڵد ده‌ڵێت ئه‌و کارمه‌نده‌ چاودێرانه‌ی له‌گه‌ڵ لاوه‌کاندا ده‌هاتنه‌ پۆلی خوێندنه‌وه‌ له‌گه‌ڵ مامۆستاکه‌دا نه‌ شاره‌زایانه‌ له‌به‌رامبه‌ر ورده‌ هه‌ڵه‌یه‌کدا ده‌که‌وتنه‌ به‌خشینه‌وه‌ی سزا به‌سه‌ر فێرخوازه‌کاندا.

ئه‌و جۆره‌ هه‌ڵسوکه‌وت و  کێشانه‌ هۆکار که‌می ئه‌زموون و نه‌بوونی کارامه‌یی مامۆستاکانه‌ به‌ڕای سه‌رۆکی ده‌ستگه‌ی پشکنینی خوێندگاکان ماریا هێلێنێ ئانبۆری. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".