پارێزه‌ری گشتی له‌ سێ ئه‌ندامپه‌رله‌مان ده‌کۆڵێته‌وه‌

سه‌فه‌رێک که‌ سێ ئه‌ندامپه‌رله‌مانی سوێد به‌ مه‌به‌ستی خوێندن و لێکۆڵینه‌وه‌ ساڵی 2007 بۆ فه‌رانسه‌یان کردبوو و کۆمپانیای شێلی به‌نزینفرۆش خه‌رجییه‌که‌ی دابین کردبوون، بڕیاره‌ پارێزه‌ریی گشتی لێی بکۆڵێته‌وه‌. ڕۆژنامه‌ی میترۆ نووسیوه که‌ گومان له‌ به‌رتیلخۆرییان کراوه‌. سه‌ره‌کپارێزه‌ری گشتی بیۆرن ئێریکسۆن ده‌یسه‌لمێنیت که‌ ده‌ست به‌ لێکۆڵینه‌وه‌ی سه‌ره‌تایی کراوه‌ و خۆیشی چاوی به‌ ناوه‌ڕێۆکی سه‌فه‌ره‌که‌دا گێڕاوه‌. ‌

بلیتی فرۆکه‌ و خۆراک و خه‌وی دووڕۆژه له‌ میوانخانه‌یه‌ک، سه‌فه‌ره‌که‌ی پێکه‌وه‌ ناوه‌ که‌ ئێریک ئێریکسۆنی نوێنری پارتیی ناوین و گوستاڤ بلیکستی پارتیی بۆرژوا و لارش یێلمێرێدی هه‌مان پارتی پێوه‌ی گلاون. که یێلمێرێدیان به‌رگریی له‌وه‌ ده‌کات که‌ ئه‌گه‌ر ئه‌ندامپه‌رله‌مان سه‌فه‌ری وای بۆ بڕه‌خسێنرێت لاریی لێ نه‌بێت و سه‌فه‌ره‌که‌ی ئه‌و ساڵه‌یشیان به‌ سه‌فه‌ر بۆ به‌شداریکردن له‌ کۆنفرانسێکی گه‌لێک به‌خشنده‌ داده‌نیت که‌ کۆڕگێڕ و وتارخوێنی بایه‌خداری لێدا به‌شدار بووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".