خه‌ڵکی گه‌ڕه‌که‌ بیانینشینه‌کان ئه‌له‌کترۆنییانه‌ ڕاپۆرتی داهاتی خۆیان ده‌ده‌ن

ده‌ستگه‌ی باج لای وایه‌ 60% ـی سوێدییه‌کان بۆ ئه‌مساڵ ڕاپۆرتی داهاتی خۆیان له‌ ڕێی ئینته‌رنێته‌وه‌ به‌ ده‌ستگه‌ی باج ڕاده‌گیێنن. ئامانج ئه‌وه‌یه‌ که‌ 90%ـی دانیشتووانی سوێد دوای چه‌ند  ساڵێک به‌م جۆره‌ بکه‌ن. دانیشتووانی ناوچه‌ بیانینشینه‌کانیش به‌ده‌م ساڵانه‌وه‌ به‌م جۆره‌ ڕاپۆرتی داهاتیان به‌ ده‌ستگه‌که‌ ڕاده‌گیێنن. ئه‌مه‌ ئامارێک دیاری خستووه‌.

کای کویێر که‌ په‌ره‌پێده‌ری کاره‌کانی ده‌ستگه‌ی باجه‌ ناوچه‌ی داندریێد و ڕیێنکیبی به‌رانبه‌ری یه‌کتر ده‌گرێت و جه‌ختی ده‌کات که‌ له‌م بواره‌دا خه‌ڵکه‌که‌ی ڕیێنکبی زۆر له‌ دانیشتووانی داندریێد باشترن، ته‌نانه‌ت له‌ ڕاگه‌یاندنی ڕاپۆرته‌ ئاسانکراوه‌که‌یشدا، که‌ هه‌ر ئه‌وه‌نده‌ی ده‌وێت مرۆ ڕاپۆرته‌که‌ په‌سه‌ند بکات و ئیمزای پێوه‌ بنێت.

حه‌وت میلیۆن و 400 هه‌زار ڕاپۆرتی داهات له‌م ڕۆژانه‌دا بۆ دانێشتووانی وڵات ڕه‌وانه‌ ده‌کرێن که‌ ده‌بێت ئه‌وپه‌ڕه‌که‌ی له‌ سێی مانگی مایدا بۆ ده‌ستگه‌ی باج ڕه‌وانه‌ بکرێنه‌وه‌‌، ئیتر یان هه‌ڵه‌ و که‌موکورتییه‌کانی ساخ کراوبنه‌وه‌ یان په‌سه‌ند و ئیمزا کرابن. که‌سێکیش بیه‌وێت له‌ ڕێی ئینته‌رنێته‌وه‌ ڕاپۆرتی داهاتی خۆی بدات، ده‌بێت ناسنامه‌یه‌کی ئه‌له‌کترۆنی هه‌بێت که‌ بانکه‌کان بۆ به‌ده‌ستهێنانی یاریده‌ ده‌ده‌ن. ڕاپۆرته‌کانی داهات ده‌کرێت به‌ ئێس ئێم ئێس په‌سه‌ند بکرێت یان به‌ ته‌له‌فۆن. هه‌ر له‌ یه‌که‌م ڕۆژی ڕاپۆرته‌که‌وه‌ که‌ دوێنێ ـ  سێشه‌ممه‌ ـ بوو، 10 هه‌زار که‌س ڕاپۆرتی خۆیان له‌ ڕێی ئینته‌رنێته‌وه‌ ڕاگه‌یاند. که‌سێک به‌و جۆره‌ ڕاپۆرته‌که‌ی بدات، به‌ر له‌ 24 ـی یونی ئه‌و باجه‌ زیاده‌ی بۆ ده‌گێڕدریته‌وه‌ که‌ داویه‌تی.

ده‌ستگه‌ی باج زایناریی له‌مه‌ڕ ڕاپۆرتی داهات به‌ ته‌له‌ڤزیۆن ـ له‌ که‌نالی حه‌وته‌وه‌ ـ که‌ که‌نالێکی سه‌رانسه‌رییه‌، به‌ کۆچهێنه‌کان ڕاده‌گه‌یێنێت. کای کۆیه‌ر ده‌ڵێت ئه‌م زانیارییانه‌ ته‌رجه‌مه‌ی پێنج زمان ده‌کرێن که‌ عه‌ره‌بی و فارسی و سپانی و تورکییان له‌نیودایه‌ و به‌ سوێدین هه‌ن. ئه‌و که‌ناله‌ ته‌له‌ڤزیۆنییه‌ فیلمێکی زانیاریدانیش په‌خش ده‌کات که‌ دیاری ده‌خات چۆن ڕاپۆرتی داهات به‌ ئینته‌رنێت و  به‌ کاغه‌زیش ڕاده‌گه‌نرێت و ئه‌م فیلمه‌ به‌ هه‌ر پێنج زمانه‌که‌یه‌.

که‌سێکیش که‌ناله‌ ته‌له‌ڤزیۆنییه‌که‌ی نه‌بێت ده‌بێت سه‌ردانی مه‌ڵپه‌ڕه‌ی ده‌ستگه‌ی باج بکات که‌ زانیارییه‌کانی به‌م فیلمانه‌وه‌‌ گرێ داوه‌. که‌نالی حه‌وتی ته‌له‌ڤزیۆنییش له‌سه‌ر‌ ئینته‌رنێت په‌خشه‌ و  فیله‌مکانیش له‌ ڤێ ڤێ ڤێ پونکت که‌نالخو پونکت ئێسی ئینته‌رنێتدا هه‌ن.

ئه‌وه‌ی که‌ به‌ داشکاندنی خه‌رجیی خانوو ناو نراوه‌ و به‌ سوێدی هیوس ئاڤدراگ، یان رووت ئاڤدراکی ناوه‌ ـ که‌ باجی خه‌رجییه‌کانی خاوێنکردنه‌وه‌ و مشتوماڵکردنی خانووی پێ داده‌شکێنرێت، ده‌ستگه‌ی باج لای وایه‌ که‌ زه‌حمه‌ت ده‌نێته‌ به‌ر که‌سانێکه‌وه‌ بیانه‌وێت باجی خه‌رجیی وای خۆیان دابشکێنن، که‌ ساڵی پار نیومیلیۆن سوێدی که‌ڵکیان لێی وه‌رگرت و که‌ تاکوو ئێستا داشکناندی باجی ئه‌و جۆره‌ خه‌رجییه‌ شه‌شمیلیارد و 500 میلیۆن کرۆنه‌ و که‌ دوور نییه‌ له‌مه‌ زیاتر پێکه‌وه‌ بنێت کاتێک ئه‌م جۆره‌ خه‌رجییه‌ی ساڵی پاری خه‌ڵکه‌که‌ کۆ ده‌کرێته‌وه‌.

ڕیساکانی چۆنیه‌تیی یه‌کلاکردنه‌وی ئه‌م داشکاندنه‌ ساڵی پار ئاڵوگۆڕ کران و ئێستای پسووله‌ی لێ ڕه‌چاو ده‌کرێت، واته‌ ئه‌و که‌سه‌ی پاره‌ له‌ خاوێن و مشتوماڵکردنی خانووه‌که‌یدا خه‌رج ده‌کات، نیوه‌ی خه‌رجییه‌که‌ ده‌دات. ئه‌و که‌سه‌ی کاره‌که‌ ده‌کات نیوه‌که‌ی تری تێچووه‌که‌ی له‌ ده‌ستگه‌ی باج داوا ده‌کات. به‌ڵام ساڵی پار که‌سێک ده‌ستی به‌ خانووه‌که‌یدا ده‌هێنایه‌وه‌ خۆی داوانامه‌ی داشکاندنی خه‌رجییه‌که‌ی بۆ ده‌ستگه‌ی باج ده‌نارد. بۆیه‌ که‌سی وا ده‌بێت هۆشی ته‌واوی به‌ لای کاغه‌زه‌کانی خۆیه‌وه‌ بێت و باشیان ڕێک بخات.

به‌ڵام ئه‌م داشکاندنی خه‌رجییه‌ی خانوو بۆ هه‌ندێک که‌س به‌ خراپ ده‌شکێته‌وه‌ ئه‌گه‌ر که‌سه‌که‌ له‌و باجه‌ تێکڕاییه‌ زیاتری بۆ داشکێنرابێت که‌ ساڵی پار داویه‌تی. ئه‌مه‌ پییا بلانکـی سه‌ر به‌ ده‌ستگه‌ی باج ده‌یڵێت.

به‌ڵام کێ له‌ ڕێی ئینته‌رنێته‌وه‌ ڕاپۆرتی داهاتی خۆی ڕاده‌گه‌یێنێت و کێ به‌و جۆره‌ی ناکات، کای کۆیه‌ر ده‌ڵێت ئه‌وانه‌ی له‌ سی و چل و تاکوو ئاستێک په‌نجاکانی سه‌ده‌ی ڕابوردوودا له‌ دایک بوون، ئه‌وان که‌سانی هه‌ره‌باشی ئه‌وه‌ نین که‌ به‌ ئینته‌رنێت ڕاپۆرته‌که‌ ڕابگه‌یێنن. له‌وانیشه‌ ژماره‌ی ئه‌و که‌سانه‌ به‌ره‌به‌ره‌ زیاد ده‌کات که‌ به‌ ئینته‌رنێت ڕایده‌گه‌یێنن.

حه‌فتاییه‌کان و هه‌شتاییه‌کان که‌سانی هه‌ره‌ ژیری به‌م جۆره‌ ڕاپۆرتدانه‌ن، که‌ 80% ـیان به‌ ئینته‌رنێت ڕاپۆرتی داهاتی خۆیان ده‌ده‌ن.  کای کۆیه‌ر ده‌ڵێت

هه‌موو ساڵێک ده‌ستگه‌ی باج به‌ شێوه‌یه‌کی وردتر سه‌رنجی هه‌ندێک زانیاریی تایبه‌تی ‌ داهاتی هاووڵاتییان ده‌دات.  ئه‌مساڵ ده‌ستگه‌که‌ چاوێکی وردبینانه‌تر له‌ داشکاندنی خه‌رجییه‌کان سه‌فه‌رکردن و فرۆشتنی خانوو و پشک و ئاکسییه‌کان ده‌گرێت. سنووری داشکاندنی خه‌رجییه‌کانی سه‌فه‌رکردن بۆ ئه‌مساڵ له‌ 8 هه‌زاره‌وه‌ کراوه‌ته‌ 9 هه‌زار. که‌سێک خانوویه‌ک یان به‌شێکی خانوویه‌کی وا به‌ کرێ بدات، ئه‌و داهاته‌ی له‌م به‌کرێدانه‌دا باجی ناخرێته‌ سه‌ر له‌ 4 هه‌زاره‌ بۆ 12 هه‌زار زیاد کراوه‌ . ئه‌مه‌یش به‌و مه‌به‌سته‌وه‌ کراوه‌ که‌ خه‌ڵکێکی زۆرتر خانوو ـ بۆ نموونه‌ ـ به‌ خوێندکار به‌ کرێ بده‌ن. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".